Beisenbi kúni Soltústik Koreia Japon teńizine qarai eki snariad ushyrdy, boljam boiynsha olar qysqa qashyqtyqtaǵy ballistikalyq zymyrandar. Bul týraly Ońtústik Koreia áskerilerine silteme jasap, Kýodo agenttigi jazady, dep jazady QazAqparat.
Aqparatqa sáikes, zymyrandar Soltústik Koreianyń shyǵysyndaǵy Hamhýn aýdanynan tańǵy 8:00-de, arasyna bes minýt salyp ushyryldy. Olar shamamen 190 shaqyrym ushyp, 20 shaqyrymdai biiktikke jetken.
Japon úkimetiniń habarlaýynsha, snariadtar Japoniianyń erekshe ekonomikalyq aimaǵy aýmaǵyna jetpei, teńizge tústi degen boljam bar. Snariadtardan zardap shekkender týraly naqty málimet joq.
Ushyrý derekteri rastalsa, bul jyl basynan beri altynshy ushyrý bolady.
Japoniianyń premer-ministri Fýmio Kisida 27 qańtar kúni Tokioda jýrnalisterge bergen suhbatynda el Úkimei zymyrandardyń sońǵy ushyrylymyna qatysty aqparat daiyndap jatqanyn málim etti.
