Dúisenbi kúni Soltústik Koreia Ońtústik Koreiaǵa anyqtalmaǵan modeldegi snariad ushyrdy. Bul týraly Yonhap agenttigi málim etti, dep habarlaidy "Ult aqparat".
Agenttiktiń jazýynsha, snariadtyń ushyrylǵan orny men sany týraly málimetter ázirge túspegen.
Bul, KHDR-dyń biyl ótkizgen qarýdyń alǵashqy iri synaǵy. Aita ketý kerek, ótken jyly AQSh-pen uzaqqa sozylyp ketken iadrolyq qarýsyzdandyrý boiynsha kelissózder aiasynda Soltústik Koreia zymyrandardy 13 ret synaqtan ótkizgen bolatyn.
Óziniń jańajyldyq joldaýynda Phenian jaqyn arada «jańa strategiialyq qarýdyń» paida bolatynyn jáne «kútpegen áreketter» týraly eskertken edi.
Sarapshylardyń pikirinshe, «strategiialyq qarý» sýasty qaiyǵynan jiberiletin qurlyqaralyq ballistikalyq raketanyń nemese ballitiskalyq raketanyń jetildirilgen túri bolýy múmkin.
