Qazaqstan halqy assambleiasy pnevmoniianyń órshýine bailanysty shildede dárigerler men provizorlyq ortalyqtarǵa qoldaý bildirip, birneshe óńirdegi meditsina qyzmetkerlerine kómek kórsetti. Dárilik preparattar men jasandy tynys alý apparatyn satyp alýǵa 151 millionnan asa qarajat jumsady. Bul týraly «Ult» portaly habarlaidy.
Eń aldymen Túrkistan oblysyndaǵy muqtaj azamattarǵa 376 454 347 teńge kóleminde kómek kórsetip, 515 myńnan astam meditsinalyq betperde taratty. Etnikalyq top ókilderi bógettiń arnasynan shyǵýynan zardap shekken Maqtaraldaǵy turǵyndarǵa 101 million teńge mólsherindegi sommaǵa gýmanitarlyq kómek jiberdi. Sondai-aq, osy qarajatty qajetti qurylys materialdaryn satyp alýǵa jumsady.
Sondai-aq, Qurban ait qarsańynda Maqtaaral aýdanyndaǵy aktsiia kezinde meditsina salasynyń qyzmetkerlerine qurbandyqqa shalynǵan maldyń eti men jemis-jidek, azyq-túlik úlestirildi.
Al Qurban aitta Almaty qalasynda «Myń alǵys» aktsiiasynyń aiasynda koronavirýs infektsiiasymen betpe-bet kelip jumys istep jatqan meditsina qyzmetkerleriniń otbasyna gýmanitarlyq kómek kórsetti. Kómekti úlestirý kezinde dárigerlerdiń kóp aidan beri otbasy men týystaryn kórmegenin eskerip, olarǵa syilyq jasady.
Naqytyraq aitqanda, assambleia atynan bes tonna azyq-túlik túryndegi gýmanitarlyq kómek qaladaǵy ortalyq klinikalyq aýrýhana men Jankenov atyndaǵy qalalyq klinikalyq juqpaly aýrýlar aýrýhanasyna jetkizildi.
Bul sharaǵa assambleianyń qurylymdary men qala jáne respýblikalyq deńgeidegi ózbeketnomádeni birlestigi, uiǵyr ortalyǵy qatysty. Sonymen qatar qaiyrymdylyq sharasyna tatar átnomádeni ortalyǵy, qyrǵyz ortalyǵy, qoǵamdyq kelisim keńesi jáne Qazaqstan halqy assambleiasy kásipkerler qaýymdastyǵy, «Jańǵyrý joly» respýblikalyq jastar qozǵalysy, eriktiler ortalyǵynyń belsendileri atsalysty.
Sonymen qatar Aqtóbede dárigerlerge tórt júz myń teńge mólsherinde qarjylai kómek kórsetildi.
Bul shara da Qurban ait qarsańynda jasaldy. Aqtóbedegi «Qoǵamdyq kelisim» qyzmetkerleri men assamleia janyndaǵy keńes, «Birlik» eriktiler ortalyǵynyń músheleri meditsina qyzmetkerlerine qurmet kórsetti.
Bul jerde de koronavirýs pandemiiasy kezinde aianbai eńbek etip júrgen dárigerlerdiń eńbegi eskerilip, kómek kórsetildi.
Sonymen qatar Aqtóbede meditsina qyzmetkerleri turyp jatqan jataqhanaǵa Qazaqstan halqy assambleiasynyń músheleri baryp, jaǵdailaryn bilip qaitty.
Al assambleia músheleriniń qatysýymen «Myń alǵys» respýblikalyq aktsiiasy aiasynda Kókshetaýda kópbalaly meditsina qyzmetkerlerine kómek kórsetildi. Qazaqstan halqy assambleiasy bul sharaǵa pandemiia kezinde moraldyq jáne qarjylyq qoldaý kórsetý maqsatynda atsalysty.
Eriktiler etnomádeni birlestik-ortalyq ókilderimen birge Kókshetaý qalasynda №1 otbasylyq densaýlyq ortalyǵyna bardy. Sonymen qatar koronavirýs infektsiiasy tabylǵan naýqastarmen jumys isteitin on kópbalaaly meditsina qyzmetkeriniń otbasyna baryp, ár ulttyń taǵamy men jemister syiǵa tartty.
Al etnomádeni birlestikterdiń belsendi ókilderi Qostanaida aýdandarda kópbalaly jáne turmysy tómen otbasylarǵa gýmanitarlyq kómek kórsetti. Sonymen qatar Tobyl qalasyndaǵy provizorlyq emhananyń dárigerlerine aazyq-túlik pen úi taǵamdaryn jetkizip berdi.
