Jambyl oblysynda 2018 jyldyń 1 jartyjyldyǵynda Mediatsiia kabinetine 438 azamat ótinish bildirdi.
Búgingi kúni oblystyq, qalalyq jáne aýdandyq ákimshilikterde, prokýratýrada, sottarda jáne quqyq qorǵaý ortalyqtarynda turǵyndarǵa mediativtik keńes berý úshin 14 mediatsiia kabineti ashylǵan. Jambyl oblys boiynsha Qazaqstan halqy assambleiasynyń 72 mediatory jumys isteidi jáne mediatorlar Keńesi qurylǵan.
2018 jyldyń 1 jartyjyldyǵynda Mediatsiia kabinetine 438 azamat ótinish bildirip, onyń 336 shielenisti jáne daýly máseleleri mediatorlardyń kómegimen sheshimin tapty. Daýly máseleler, negizinen, eńbek, otbasylyq, azamattyq jáne qylmystyq sipatta bolady.
Óńirlik assambleia qurylymy basshylarynyń jáne músheleriniń mediativtik quzyrlylyǵyn arttyrý maqsatynda, Mediatsiia kabinetiniń janynan mediatsiia mektebi ashylǵan. Esepti kezeńge 2 oqytý seminar-treningi ótkizilip, 30 kásibi emes mediator biliktiligin arttyrýdan ótti.
Mediatsiia institýtyn ilgeriletý boiynsha Taraz qalasy jáne aýdandarda 5 keńestik-ádistemelik kezdesýler, 2 dóńgelek ústel, Mediatorlar keńesniń keńeitilgen otyrysy, sondai-aq oblystyq sot ókilderiniń qatysýymen mediatsiianyń ashyq esik kúni jáne «Mediatsiia týraly» eń úzdik shyǵarma konkýrsy ótkizildi.
Oblysymyzda mediatsiia institýtyn damytý baǵytyndaǵy mańyzdy sharanyń biri – «Tsifrlik Qazaqstan» baǵdarlamasyn júzege asyrý maqsatynda óńirlik QHA janynan virtýaldy mediatsiia kabinetiniń ashylýy boldy. Endi oblysymyzdyń turǵyndary úiinen nemese ǵimarat ishinen shyqpai-aq, mediatsiia kómegine júgine alady. Ol úshin óńirlik QHA saitynda tirkelip (ank-taraz.kz), tapsyrysyn jiberse jetkilikti. Sondai-aq, bul saitta qoǵamdyq mediatorlar týraly qajetti málimetter ornalastyrylǵan (aty-jóni, bailanys telefony). «Mediatsiia» dep atalatyn arnaiy bólimshede oblystyq QHA mediatsiiasy týraly jańalyqtarmen tanysýǵa bolady.
Jyl basynan beri mediatsiia kabinetiniń jumysy týraly BAQ betterine 26 maqala jariialandy.
Oblystyq QHA Assambleia tarapynan qaiyrymdylyq is-sharasy nazardan qalmaǵan.
2018 jylǵy 7 maýsym kúni «Qaiyrymdylyq kerýeni» aktsiiasy Baizaq aýdany Báiterek aýyldyq okrýgi, Sarykemer mektep-gimnaziiasynda «Beibitshilik jáne kelisim kerýeni» taqyrybynda ótkizildi. Aktsiiasy aiasynda «Qoǵamdyq kelisim keńesteri men jergilikti organdardyń birlesken áreketteri» taqyrybynda oblystyq Qoǵamdyq kelisim keńesiniń, «Qoǵamdyq sanany jańǵyrtýda adamgershilik - rýhani tárbie berýdiń tiimdi mehanizmderi» oblystyq Qazaqstan halqy assambleiasy janyndaǵy Analar keńesiniń jáne «Aǵa býyn ókilderi - el turaqtylyǵynyń kepili» taqyrybymen Aqsaqaldar keńesiniń, oblystyq mediatorlardyń kóshpeli otyrystary jáne kontserttik baǵdarlama uiymdastyryldy.
Sonymen qatar, Qazaqstan halqynyń oiyndar spartakiadasy ótkizilip, qatysýshylar baǵaly syilyqtar men marapattaldy.
Jalpy, qaiyrymdylyq aktsiialar aiasynda oblys boiynsha 1864 adamǵa 56 mln 540 myń teńge kólemindegi qarajatqa kómek kórsetildi,-dep sózin aiaqtady Marjan Tóreǵulqyzy Qojaeva.
