Qazaqstan halqy assambleiasynyń músheleri qazaqstandyqtardy 1 jeltoqsan – Tuńǵysh Prezident kúnimen quttyqtap jatyr, dep habarlaidy QazAqparat tilshisi.
«Tuńǵysh Prezident kúni – bul Qazaqstandaǵy tarihi tańdaý kúni jáne halyq birligi men kelisim kúni. Elimizdiń Tuńǵysh Prezidenti egemen Qazaqstannyń barlyq jetistikteri atymen bailanysty adam retinde, álemdik aýqymdaǵy kórnekti saiasatker retinde tarihqa máńgilikkeendig Onyń barlyq qyzmeti óz halqyna, Otanyna qyzmet etýdiń jarqyn úlgisi sanalady. Otanymyz – Qazaqstan Respýblikasy damyp, nyǵaiyp, gúldene bersin!», - dep jazdy Qazaqstan uiǵyrlary respýblikalyq etnomádeni ortalyǵynyń tóraǵasy Sh.Nýrýmov Facebook paraqshasynda.
Jambyl aýdandyq «Ahyska» túrik etnomádeni ortalyǵynyń tóraǵasy Ramazan Mýzafarov óz quttyqtaýyn Instagram paraqshasynda jariia etti.
«1 jeltoqsan - Qazaqstan Tuńǵysh Prezidenti kúnimen barshańyzdy shyn júrekten quttyqtaimyn. Zor densaýlyq, baqyt tileimin. Qazaqstan halqy beibitshilikte ómir súrip, qýanyshty kúnder kóp bolsyn. Dostyǵymyz árdaiym berik bolsyn. Merekemiz qutty bolsyn, aǵaiyndar!», - dedi ol.
Al Qazaqstan halqy Assambleiasynyń keńesiniń múshesi, Túrkistan oblystyq «PARVIZ» tájik etnomádeni birlestiginiń tóraǵasy Iýldash Sýltanov qazaq halqy úshin elimizdiń Tuńǵysh Prezidenti Nursultan Ábishuly Nazarbaevtyń orny bólek ekendigin atap ótedi.
«1 jeltoqsan - Qazaqstan Respýblikasynyń tuńǵysh prezident kúni. Qazaq halqy úshin elimizdiń tuńǵysh prezidenti Nursultan Ábishuly Nazarbaevtyń orny bólek. Bul merekeniń 1 jeltoqsan bolyp tańdalý sebebi de erekshe, ótken kúnderdi eske alatyn bolsaq, 1991 jyldyń 1 jeltoqsan kúni búkilhalyqtyq sailaý nátijesinde qazaq eliniń tunǵysh prezidenti sailanyp, ult tarihynda jańa ózgerister bastaý aldy. Aitýly kúnniń barsha halqymyz úshin mańyzy men mazmuny erekshe ekendigi sózsiz. Bul - ǵasyrlar toǵysynda ata - babalar ańsaǵan ańsarly álem Azattyqtyń alaýyn jaǵyp, Táýelsizdiktiń tusaýyn kesken, qazaq jurtyn álemge beibit súigish el, tolerantty ult retinde tanytqan Elbasynyń taqqa otyrǵan, Alash balasynyń basyna baq ornaǵan kún bolyp tarihta qalatyny shyndyq. Elbasy esimi Egemendik, Táýelsizdik, Qazaqstan, Otan, Birlik siiaqty uǵymdarmen qatar aitylady. Elbasy – tatýlyǵymyzdyń, bereke - birligimizdiń, turaqtylyǵymyzdyń kepili. Tuńǵysh Prezidentimizdiń eńbek joly - jas qazaqstandyqtar úshin úlgi men taǵylymnyń mektebi. Elbasymyz Nursultan Nazarbaev syndarly shaqta birlik pen eldikti, tatýlyq pen dostyqty tý etip, táýelsizdikti baiandy, egemendikti eńseli ete bildi. Egemen el bolýdyń kúrdeli qurylysyn basqaryp, jańa da jas memlekettiń irgesin qalyptastyrǵan Elbasy álemdik saiasat aýqymyna «Qazaqstandyq damý modeli» uǵymyn engizdi.Prezidentimiz Nursultan Ábishulynyń tolassyz eńbegi men kóregen de sarabdal saiasatynyń arqasynda ǵasyrda jasalar ǵalamattar eki onjyldyqta júzege asty. Halyq aldynda, memleket aldynda osyndai tolaǵai tirlik atqarǵan Prezident kúnin atap ótý Siz ben bizder úshin úlken qýanysh, zor mártebe. El bolashaǵy úshin jasalyp jatqan igi ister tabysty bolyp, elimiz, elin súigen, el qamqory azamattarymyz aman bolsyn! Barshalaryńyzǵa tabys, sáttilik, sáýleli ǵumyr tileimin», - dedi Iýldash Sýltanov.
DOVIRA Ýkraina etnomádeni qoǵamdyq birlestigi ujymy da quttyqtaýlaryn Instagram paraqshasynda jariialady.
«Búgin jas, qýatty ári myqty memleket - Qazaqstan Respýblikasy memlekettiliginiń damýy men qalyptasýynyń jańa kezeńin ashatyn, Táýelsiz Qazaqstan tarihynda ataýly kún» Sizderge jáne jaqyndaryńyzǵa bailyq, kelisim men birlik tileimiz. Otanymyz – Qazaqstan Respýblikasynyń igiligi jolyndaǵy barlyq isterińiz ben bastamalaryńyzǵa tabys tileimiz», - dep atap ótedi birlestik ujymy.
QR Kúrdteriniń «Barbang» qaýymdastyǵynyń tóraǵasy, QHA múshesi Aziz Alievte qazaqstandyqtardy merekemen Facebook arqyly quttyqtady.
«Qazaqstan kúrdteriniń «Barbang» respýblikalyq qaýymdastyǵy Sizderdi memlekettik mereke – Qazaqstan Respýblikasynyń Tuńǵysh Prezidenti kúnimen shyn júrekten quttyqtaidy. Tuńǵysh Prezident kúni – Qazaqstandaǵy tarihi tańdaý jáne ulttyq birlik pen kelisim kúni. Búgingi mereke elimizdiń tarihi tańdaý jasap, taǵdyrly sheshim qabyldaǵan – Qazaqstan Respýblikasynyń Prezidentin alǵash ret sailaǵan kúni. Ár ulttyń ózindik tarihyn qalyptastyrǵan uly tulǵalar bolady. Qazaqstan memlekettiliginiń negizin qalaýshy Nursultan Nazarbaev – barlyq qazaqstandyqtar jáne halyqaralyq qoǵamdastyq moiyndaǵan tarihi tulǵa. Memleketimiz óziniń jetistikterimen, qoǵamdyq-saiasi ómirdegi tereń ózgeristerimen álemdik qaýymdastyqtyń moiyndaýyna ie bolyp, odan laiyqty oryn aldy. Sizge jáne sizdiń jaqyndaryńyzǵa otbasyńyzǵa amandyq, zor densaýlyq jáne baqyt tileimiz! Bizdiń Otanymyz Qazaqstan Respýblikasy damyp, nyǵaiyp, gúldene bersin! Barlyq bastamalarymyz jemisti, bolashaǵymyz jarqyn bolsyn!», - dedi ol.
