Qazaqstan halqy Assambleiasy Naýryz merekesine orai, ulttyq qundylyqtardy ulyqtaý, Amal jáne Naýryz merekelerin jańa úlgide toilaý dástúrin qalyptastyrý maqsatynda Mańǵystaýda alǵash ret «Mangystau Nauryz Fest-2021» festivalin ótkizdi, - dep habarlaidy «Ult aqparat».
QR Táýelsizdiginiń 30 jyldyǵy men «30 igi is» aktsiiasy aiasynda uiymdastyrylǵan merekelik sharada «Jailaý kúni» taqyryby aiasynda Aqtaý qalasyndaǵy «Aqbota» saiabaǵynda senbilik ótip, 30 aǵash otyrǵyzyldy. Igi sharaǵa Mańǵystaý oblystyq Qazaqstan halqy assambleiasynyń «Jańǵyrý joly» RJQ jastary atsalysty.
Mańǵystaý oblysynyń ishki saiasat basqarmasynyń «Qoǵamdyq kelisim» KMM basshysy Amankúl Jaiylhanovanyń aitýynsha, atalǵan festival aiasynda bir emes, birneshe shara uiymdastyrylǵan.
«Mangystau Nauryz Fest-2021» festivalin uiymdastyrýdaǵy negizgi maqsat Naýryzdy dástúrdi saqtai otyryp, jańa úlgide toilaý. Biz sondyqtan da bir emes birneshe shara uiymdastyryp qoidyq. Onyń ishinde aǵash otyrǵyzý, Naýryz kóje daiyndaý, etno birlestikterdiń mádeni kúnderi, ulttyq jáne sporttyq sharalar siiaqty túrli sharalardy qamdap otyrmyz. Buiyrsa, bul mereke mańǵystaýlyqtardyń kóńilinen shyǵady dep úmittenemiz», - dedi Mańǵystaý oblysynyń ishki saiasat basqarmasynyń «Qoǵamdyq kelisim» KMM basshysy Amankúl Jaiylhanova.
Sonymen qatar, halyqtyń birligi men tutastyǵyn nyǵaitýǵa, ulttyq salt-dástúrlerdi nasihattaý maqsatynda Mańǵystaý oblystyq Qazaqstan halqy assambleiasy Munaily aýdanynyń temirjol vokzalynda oblys turǵyndary men qonaqtaryna táttiler úlestirdi. «Shymyrlyq pen sheberlik kúni» aiasynda zeinet jasyndaǵy egde adamdarǵa arnalǵan tańǵy jattyǵý sharasy ótti. Úlkender jaǵy osydan keiin «Senim» meditsinalyq klinikasy qyzmetkerleri olardyń qan qysymyn ólshedi. Odan keiin aq dastarhan jaiylyp, ádemi ánder shyrqaldy.
«Búgin bir qyzyq erekshe kún boldy. Biz osyndai merekelik sharalar uiymdastyrylatynyn estigende qatty qýandyq. Óitkeni biz Keńes kezinde Naýryz meiramyna tyiym salynyp, tunshyǵyp ishtei úi-ishimidze toilaǵan kúnderdi kórgen býyn ókilderimiz. Búginde 130-dan astam ult ókilderin bir shańyraq astyna syidyryp, Naýryz merkesin kóktemde dúrkiretip atap ótetin beibit kúnge de jettik. Búgingi sharanyń bári de aqylmen, parasatpen oilastyrylypty. Sportpen ainalysyp, meditsinalyq, quqyqtyq keńester de alyp úlgerdik. Jańa jyldyń bastaýy tek jaqsylyǵymen kelsin dep tileimin», - dedi mańǵystaýlyq turǵyn Ryskúl Dadenova.
Mańǵystaýdaǵy Naýryz merekesi aiasynda Aqtaý qalasynyń Dostyq úiinde etnomádeni birlestikterdiń qurylymdary men quqyqtary týraly, salyqtyq esepterdi tapsyrý joldary jáne kirister departamentine tirkelý boiynsha quqyqtyq keńes berý quqyqtyq keńes berý maqsatynda otyrys ótti. Oǵan Mańǵystaý oblystyq ishki saiasat basqarmasynyń, Mańǵystaý oblysy boiynsha kirister departamentiniń jáne ádilet basqarmasynyń ókilderi, Mańǵystaý oblystyq «Azamattyq Alians» basshysy, ǵylymi-saraptamalyq top músheleri, etnomádeni birlestikterdiń basshylary, Analar keńesi músheleri, Qoǵamdyq kelisim keńes músheleri jáne ZTB Qásipkerler qoǵamdastyǵy qatysty.
Al Naýryz merekesi qarsańynda Dostyq úiinde naýryz kójeni daiyndaý boiynsha master-klassty Mańǵystaý oblysynyń ishki saiasat basqarmasynyń «Qoǵamdyq kelisim» KMM basshysy Amankúl Jaiylhanova kórsetti. Atalǵan is-sharaǵa etnomádeni birlestikterdiń ókilderi, «Jańǵyrý joly» RMD músheleri jáne Mańǵystaý oblysynyń isker áielder qaýymdastyǵynyń tóraiymy Irina Beliaeva qatysty. Is-shara aiaqtalǵannan keiin qonaqtar naýryz kójeden jáne ystyq baýyrsaqtan dám tatty.
«Naýryz merekesiniń basty taǵamy Naýryz kóje ekenin belgili. Biz barlyq jiynlaǵan qaýymǵa jetetindei mol kóje daiyndadyq. Bul taǵamdy bir jyl boiy saǵyna, ańsai kútemiz ǵoi. Khjeniń dámi, ystyq baýyrsaq bári de festivalge kelýshilerge qýanysh syilaityny sózsiz. Tipti ózim uiymdastyrýshy bolsam da Naýryz kójeni yntyǵa iship, kópshiliktiń ishinde boldym. Bul biz úshin erekshe meiram», - dedi «Jańǵyrý joly» RMD músheleri jáne Mańǵystaý oblysynyń isker áielder qaýymdastyǵynyń tóraiymy Irina Beliaeva.
Esterińizge sala keteiik, Qazaqstan halqy Assambleiasy Naýryz merekesine orai, ulttyq qundylyqtardy ulyqtaý, Amal jáne Naýryz merekelerin jańa úlgide toilaý dástúrin qalyptastyrý maqsatynda, QR Táýelsizdiginiń 30 jyldyǵy men «30 igi is» aktsiiasy aiasynda Mańǵystaýda alǵash ret «Mangystau Nauryz Fest-2021» festivalin ótkizdi.
