Búgin Ulttyq akademiialyq kitaphanada Qazaqstan halqy Assambleiasy Ǵylymi-sarapshylyq keńesiniń 10 jyldyǵyna arnalǵan «Áralýandyqtaǵy birlik: qazaqstandyq jáne halyqaralyq tájiribe» atty ǵalymdar men sarapshylar forýmyn ótkizdi, dep habarlaidy "Ult aqparat".
Forým QHA Ǵylymi-sarapshylyq keńesi 10 jyldyq jumysynyń qorytyndysyn, kópmádenietti qoǵam, tatýlyq pen kelisimdi qamtamasyz etýdegi mádenietaralyq dialogty nyǵaitý fenomenin, ǵylymi-sarapshylyq qaýymdastyqtyń áralýandyqtaǵy birlikti damytýǵa qosqan úlesin, etnosaralyq jáne mádenietaralyq kommýnikatsiialardy zertteý nátijelerin talqylaý jáne oi bólisý maqsatynda uiymdastyrylǵan edi.
Forýmnyń ashylýynda Qazaqstan halqy Assambleiasy Tóraǵasynyń orynbasary – Hatshylyq meńgerýshisi J.Túimebaev QHA Ǵylymi-sarapshylyq keńesiniń múshelerin keńestiń qurylýynyń 10 jyldyǵymen quttyqtady.
«Bul belgili bir meje, ótken kezeńde atqarylǵan jumysty saralap, aldaǵy turǵan mindetterdi aikyndaityn kezeń. Kópetnostyq qoǵamda bir shańyraqtyń astynda san alýan etnos pen konfessiia ókilderiniń basyn qosyp, beibit ómir saltyn qurý – óte mańyzdy jáne jaýpkershiligi úlken maqsat. Osy maqsatty oryndaýda Qazaqstan halqy Assambleiasynyń jáne onyń ǵylymi-sarapshylyq keńesiniń orny erekshe», - dedi Janseiit Túimebaev.
Is-sharaǵa Memlekettik basqarý akademiiasynyń rektory E.Ábil, QR Prezidenti janyndaǵy Qazaqstannyń strategiialyq zertteýler institýtynyń direktory Z.Sháýkenova, QR Prezidenti Muraǵatynyń direktory D.Ábdiqadyrova, QR Parlamenti Májilisiniń depýtattary, diplomatiialyq korpýs, QHA Ǵylymi-sarapshylyq keńesiniń, etnomádeni birlestikteriniń músheleri, halyqaralyq sarapshylar uiymdary men zertteý qurylymdarynyń ókilderi, elimizdiń jetekshi institýttarynyń ǵalymdary, memleket jáne qoǵam qairatkerleri, memlekettik organdardyń, joǵarǵy oqý oryndarynyń, respýblikalyq jastar birlestikteriniń ókilderi qatysty.
Is-shara barysynda QHA Ǵylymi-sarapshylyq keńesiniń 10 jyldyǵyna arnalǵan mýltimediialyq tanystyrylym jáne stendtik tanystyrylymdar, plenarlyq otyrys, paneldik sessiialar jáne ekskýrsiia uiymdastyryldy.
Shara sońynda etnosaralyq birlik pen qoǵamdyq kelisimdi qamtamasyz etýge úles qosqan ǵalymdar alǵys hattarmen marapattaldy.
