Atyraý oblysynda Qazaqstan halqy assambleiasynyń uiymdastyrýymen "Qazaqstan etnostarynyń rýhani tanymy" atty seminar-trening ótti, - dep habarlaidy «Ult aqparat».
Jiynnyń taqyryby – "Qazaqstan etnostaryn rýhani tanymal etý". Osyndai taqyryppen Atyraýda Atyraý oblysynyń "Qoǵamdyq kelisim" KMM uiymdastyrýymen seminar jiyn uiymdastyryldy. Seminarǵa Atyraý oblysy EKO, Analar keńesi, Qoǵamdyq kelisim keńesi, "Jańǵyrý joly" MD kóshbasshylary jáne shaqyrylǵan qonaqtar – "Qoǵamdyq kelisim" KMM direktory Qambetov Medhat Musauly, EKO jumys jónindegi bastyǵy Tobolova Inessa jáne etnosaralyq qatynastar salasyn taldaý jáne monitoring bóliminiń bastyǵy Tájibaeva Áigerim qatysty.
Is-shara qatysýshylardy interaktivti oiyndar arqyly tanystyrýdan bastaldy. Odan keiin Qazaqstan halqy assambleiasy qurylymdyq baǵyttarynyń jumysy týraly pikir almasyldy. Máselen, Batys Qazaqstan oblysynyń "Qoǵamdyq kelisim" KMM qyzmetkerleri jinalǵandardy Qazaqstan halqy assambleiasynyń "qazaqstandyq etnostardyń alýan túrliligin rýhani-mádeni dáripteý" bazalyq jobalarynyń birin iske asyrý ádisterimen jáne atqarylǵan jumysymen tanystyrdy.
Is-shara barysynda koreialyq "Thonil" EKO, reseilik "Bylina" EKO jáne ýkrainalyq "Dovira" EKO tóraǵalary ózderiniń jumys tájiribelerimen bólisip, tanystyrý materialdary arqyly azamattyq biregeilikti nyǵaitýǵa jáne Qazaqstan halqynyń shyǵarmashylyq murasy men dástúrli mádenietin nasihattaýǵa baǵyttalǵan óz birlestikteriniń úzdik jobalaryn kórsetti.
Kezdesý barysynda qatysýshylar Qazaqstan halqy Assambleiasynyń jumysyn jetildirý boiynsha pikir almasyp, óz suraqtaryna jaýap aldy.
Is-shara sońynda Atyraý jáne Batys Qazaqstan oblystary Qazaqstan halqy assambleiasy qurylymdyq bólimsheleriniń basshylary eki óńirdiń tájiribesi men tyǵyz yntymaqtastyǵyn nyǵaitý maqsatynda birlesken is-shara ótkizý qajettiligi týraly pikirge keldi.
Aita keteiik, Qazaqstan halqy assambleiasynyń basty mindeti memlekettik ulttyq saiasatty iske asyrý, Qazaqstan Respýblikasyndaǵy qoǵamdyq-saiasi turaqtylyqty qamtamasyz etý jáne memlekettik jáne azamattyq qoǵam institýttarynyń etnosaralyq qatynastar salasyndaǵy ózara is-qimylynyń tiimdiligin arttyrý bolyp tabylady.
Assambleiany qurý ideiasyn alǵash ret 1992 jyly Nursultan Nazarbaev táýelsizdiktiń birinshi jyldyǵyna arnalǵan Qazaqstan halqynyń forýmynda jariia etti. 1995 jylǵy 1 naýryzda memleket basshysynyń janyndaǵy konsýltativtik-keńesshi organ mártebesi bar Qazaqstan halqy Assambleiasyn qurý týraly prezidenttiń Jarlyǵy shyqty.
2007 jyldyń mamyrynda Qazaqstan Respýblikasynyń Konstitýtsiiasyna birqatar túzetýler engizildi. Qazaqstan halqy Assambleiasyna konstitýtsiialyq mártebe berildi, ol Parlament Májilisine toǵyz depýtat sailaý quqyǵyn aldy, bul Qazaqstan halqy assambleiasynyń qoǵamdyq-saiasi rólin aitarlyqtai arttyrdy.
2008 jylǵy 20 qazanda prezident álemde balamasy joq "Qazaqstan halqy Assambleiasy týraly" Zańǵa qol qoidy. Qazaqstan halqy assambleiasynyń eldiń saiasi júiesiniń tolyqqandy sýbektisine ainaldy, onyń qyzmetiniń normativtik quqyqtyq negizderi anyqtaldy.
Búginde Assambleia etnosaralyq kelisimdi, qoǵamdaǵy toleranttylyqty jáne halyq birligin odan ári nyǵaitý úshin qolaily jaǵdai jasaýǵa yqpal etedi. Sonymen qatar Qazaqstan halqy assambleiasy memlekettik organdarǵa qoǵamda ekstremizm men radikalizm kórinisterine qarsy turýǵa, demokratiialyq normalarǵa súienetin azamattardyń saiasi-quqyqtyq mádenietin qalyptastyrýǵa kómek kórsetedi.
Assambleia etnomádeni birlestikterdiń kúsh-jigerin biriktirýdi qamtamasyz etedi, ulttyq mádenietterdi, tilder men Qazaqstan halqynyń dástúrlerin jańǵyrtýǵa, saqtaýǵa jáne damytýǵa kómektesedi.
Esterińizge sala keteiik, Atyraý oblysynda Qazaqstan halqy assambleiasynyń uiymdastyrýymen "Qazaqstan etnostarynyń rýhani tanymy" atty seminar-trening ótti. Jiynnyń taqyryby – "Qazaqstan etnostaryn rýhani tanymal etý". Osyndai taqyryppen Atyraýda Atyraý oblysynyń "Qoǵamdyq kelisim" KMM uiymdastyrýymen seminar jiyn uiymdastyryldy. Seminarǵa Atyraý oblysy EKO, Analar keńesi, Qoǵamdyq kelisim keńesi, "Jańǵyrý joly" MD kóshbasshylary jáne shaqyrylǵan qonaqtar – "Qoǵamdyq kelisim" KMM direktory Qambetov Medhat Musauly, EKO jumys jónindegi bastyǵy Tobolova Inessa jáne etnosaralyq qatynastar salasyn taldaý jáne monitoring bóliminiń bastyǵy Tájibaeva Áigerim qatysty.
