Birikken ulttar uiymynyń Aýǵanstanǵa kómek kórsetý jónindegi missiiasynyń arnaiy ókili jáne basshysy Debora Laions Qazaqstan halqyna qiyn sátte qoldaý bildirgeni úshin alǵys aitty, dep habarlaidy QazAqparat.
«Birikken ulttar uiymy Qazaqstannyń áriptestik kórsetip, Almatyda ýaqytsha keńse ornatqany úshin alǵys aitady. Bul keńseni ornalastyrý Kabýldaǵy bilik qulaǵanǵa deiin kelisilgen bolatyn. Osy kelissózder kezinde Kabýldaǵy jaǵdai nasharlaǵan jaǵdaida personal sanyn ýaqytsha qysqartyp, Aýǵanstandaǵy áreketter kúsheise, BUU personalyn osy elge jaqyn ári qaýipsiz jer retinde jetkizý kerek degen sheshim qabyldanǵan», - deidi Birikken Ulttar Uiymynyń Aýǵanstanǵa kómek kórsetý jónindegi missiiasynyń arnaiy ókili .
Sondai-aq, ol qazir Aýǵanstannan ketkisi keletin adamdardyń arasynda haos bolyp jatqanyn atap ótti.
«Qazir Aýǵanstannan shyqqysy keletin adamdardyń arasynda haos bolyp jatqanyn kórip otyrmyz. Birikken ulttar uiymynyń UNAMA agenttigi taliban kósemderimen bailanys ornatý úshin jumys istep jatyr. Bul Aýǵanstandaǵy adamdarǵa tirshilik úshin mańyzdy qyzmetter usyný úshin qajet. Birqatar Aýǵanstan kóshbasshysy áli de álemniń ár elinde júr. Múmkindik barda bizdiń halyqaralyq personal Almaty men Kabýl arasynda jumys istei beredi», - degen UNAMA basshysy Qazaqstan Úkimeti men halqyna uiym atynan rizashylyǵyn bildirdi.
«Qazir UNAMA ókilderiniń Aýǵanstanǵa baryp, alańsyz jumys isteýi boiynsha kelissózderde qaralyp jatyr. Almatydaǵy qurylyp jatqan keńse tek halyqaralyq personalǵa arnalady. Qalǵan mamandar ýaqytsha negizde ózge elderge jiberiledi. Qazaqstan Úkimeti men Qazaqstan halqyna BUU jumysyna qosqan úlesi úshin, elderińizde baza qurýǵa ruqsat berip, osynaý qiyn kezeńde qoldaý kórsetkendirińiz úshin erekshe rahmet aitamyz», - dedi Debora Laions.
