QR Densaýlyq saqtaý vitse-ministri – Bas memlekettik sanitarlyq dáriger Erlan Qiiasov koronavirýsqa qarsy vaktsinaǵa qatysty taraǵan jalǵan aqparattarǵa senbeýge shaqyrdy, dep habarlaidy "Ult aqparat".
«Qazirgi ýaqytta BAQ-ta jáne áleýmettik jelilerde vaktsinanyń ziiany týraly jalǵan aqparat jii tarai bastaidy. Osyǵan orai, sizderdi resmi derekózderdiń ǵana aqparatyna senýge, meditsina qyzmetkerleriniń usynystaryn ustanýǵa jáne jalǵan sarapshylar men arandatýshylardyń yrqyna ermeýge shaqyramyn», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, ujymdyq immýnitetti qalyptastyrý jáne koronavirýsqa shaldyǵý deńgeiin tómendetý úshin respýblikanyń eresek turǵyndarynyń 50 paiyzdan astamy vaktsina saldyrýy tiis.
«Vaktsinatsiia infektsiiamen kúrestegi tiimdiligin sán márte dáleldep, onyń tirkelý deńgeiin nólge deiin tómendetýge múmkindik berdi. Búginde bul infektsiiadan qorǵanýdyń eń tiimdi sharasy bolyp tur», - dedi Erlan Qiiasov.
