QR Mádeniet jáne sport ministri Aqtoty Raiymqulova kitaphanashylar men arhiv qyzmetkerleriniń densaýlyǵyna alańdaýshylyq tanytty, dep habarlaidy QazAqparat.
«Qyzmetkerlerdiń eńbek quqyqtaryn qamtamasyz etýde mádeniet jáne arhiv uiymdary qyzmetkerleriniń eńbek jaǵdaiyn jaqsartý máselesi mańyzdy ról atqarady. Óitkeni, múldem ziiansyz mamandyqtar joq ekeni belgili, bári ózdiginen qaýipti. Osyǵan bailanysty kitaphana júiesi men arhiv qyzmetkerleriniń jumys ornyndaǵy kásibi qaýip-qaterdiń keibir tustaryn atap ótkim keledi.Barlyq derlik arhiv jáne kitaphana qyzmetkerleri qorda jumys isteý barysynda jáne qaǵaz shańymen bailanysýǵa májbúr», - dedi ministr QR Prezidenti janyndaǵy Adam quqyqtary jónindegi komissiianyń otyrysynda.
Onyń atap ótýinshe, kitaphanashylardyń jumysy sańyraýqulaqtardyń kóptegen sporalary bar atmosferada ótedi.
Olardyń aǵzaǵa áseri kitaphana qyzmetkerleriniń kóptegen kásibi aýrýlarynyń damýyna yqpal etedi. Búgingi tańda zeń sańyraýqulaqtarynyń adamdar úshin ziiandy ekendigi naqty anyqtalǵan.
Kógerýden basqa, kitaphanashynyń densaýlyǵyna kitap shańy qaýip tóndiredi. Ol allergiia, bronh astmasyn týǵyzýy múmkin.
Arhiv mekemelerindegi jumys shań jinaýǵa, sańyraýqulaq virýstaryn juqtyrýǵa qabileti bar qujattarmen bailanysty. Olar óz kezeginde ártúrli aýrýlardy týdyrady.
«Arhiv qyzmetkerleri árbir qaǵazdyń saqtalýyn jáne qaýipsizdigin qamtamasyz ete otyryp, óndiristik ortanyń kóptegen faktorlaryna ushyraidy. Bul: jergilikti júkteme, allergen bolyp tabylatyn shań-tozań, qalpyna keltirý jáne dezinfektsiialaý jumystarynda qoldanylatyn himikattar», - dedi ol.
Ministrdiń dereginshe, ziiandy (erekshe ziiandy) jáne qaýipti (erekshe qaýipti) eńbek jaǵdailary bar jumystarmen, atap aitqanda:
- zeń sańyraýqulaqtaryn, aktinomitsetter men patogendi mikrobtardy juqtyrǵan qaǵaz negizindegi qujattarmen, kinoplenkamen jáne fotoplenkamen jumys isteý jáne olardy ziiandy himiialyq eritindilerdi qoldana otyryp, qalpyna keltirý, betindegi zeńdi joiý;
- qaǵaz jetkizgishterdegi qujattardyń jaǵdaiyn diagnostikalaý boiynsha jumys;
- mamandandyrylǵan úi-jailardaǵy aýa jáne qaǵaz ylǵaldylyǵyn retteý jáne basqa da arnaiy tehnologiialyq protsesterdi ózgertý;
- benzinde, dihloretanda, atsetonda, efirde jáne siltilik eritindilerde óndiristik qondyrǵylar men apparatýralardyń bólshekterin, ydystardy, buiymdardy, materialdardy qolmen jýý;
- túpteý (tigý) úshin, álsiz kontrastty jáne óshetin mátini bar qujattar boiynsha aqparatty anyqtaý;
- kitaphana jáne mýzei-qorymen jumys isteý, sondai-aq ziiandy himiialyq reaktsiialardyń oshaǵyna ainalatyn shań men kirden turatyn teatrlyq dekoratsiia men býtaforiiany jasaýmen ainalysatyn qyzmetkerlerge qosymsha aqy qarastyrylǵan.
«Alaida, joǵaryda kórsetilgen qosymsha aqy qyzmetkerlerge QR Eńbek kodeksine sáikes «Jumys isteý jumys ýaqytynyń qysqartylǵan uzaqtyǵyna, jyl saiynǵy aqy tólenetin qosymsha eńbek demalysyna jáne eńbekke aqy tóleýdiń joǵarylatylǵan mólsherine quqyq beretin óndiristerdiń, tsehtardyń, kásipter men laýazymdardyń tizimi, aýyr jumystardyń, eńbek jaǵdailary ziiandy jáne (nemese) qaýipti jumystardyń tizbesi» negizinde beriledi. Sonymen qatar, joǵaryda atalǵan tizimde memlekettik arhiv jáne kitaphana mekemeleri qyzmetkerleriniń laýazymdary joq»,- dedi Aqtoty Raiymqulova.
