Zamanaýi kitap dúkenderinde qazaq tildi atvorlardy qoiyp, Qazaqstanda shyǵarylǵan kitaptardyń úlesi tym az. QR Ulttyq kitap palatasynyń direktory Ádil Qoitanov osyndai pikir bildirdi, dep habarlaidy QazAqparat.
«Memlekettik baǵdarlamalarmen shyǵatyn kitaptar oblys, aýdan ortalyqtaryndaǵy kitaphanalarǵa jetkizilýde. Al biraq ol kitaptar dúkenderge jetpeidi. Sebebi baspalardyń baǵdarlama boiynsha oryndalǵan tapsyrystyń ústine artyq tiraj shyǵaryp, ony kitap dúkenderine ótkizetin quqyqtary joq. Sondyqtan biz búkil baspalarmen aqyldasyp, osy máselelerdi sheshý joldaryn qarastyryp jatyrmyz», -dedi ol Mádeniet jáne sport ministrliginiń keńeitilgen alqa májilisinde.
Sondai-aq, bul jaǵymsyz tendentsiianyń sebepterine de toqtaldy.
«Sebebin izdeitin bolsa, árine, ol naryqtaǵy kitap satý jáne kitap satyp alý mádenietine kelip tireledi. Respýblika territoriiasynda jumysy júielengen dúkenderdiń sórelerinde qazaqstandyq avtolardyń, onyń ishinde qazaq ádebietiniń belgili aqyn-jazýshylarynyń eńbekteri sirek kezdesedi. Al «Meloman» jelisiniń basshylarynyń aitýynsha, ondaǵy dúkenderde elimizde shyqqan kitaptardyń úlesi on-aq paiyz.
«Atamura», «Almaty kitap» baspalarynyń iri oblys ortalyqtarynda óz dúkenderi bar», - degen kitap mamany sońǵy jyldary «Qazyna» kitap dúkeni tek qazaq tildi avtorlardyń týyndylaryn satatynyn atady.
