Foto:adebiportal.kz
Kitaphanalarda da balalarǵa arnalǵan shyǵarmashylyq sheberhanalar men kýrstar uiymdastyrylyp turady. Qazaqstanda 4 myńnan astam kitaphana jumys isteidi, olardyń kópshiliginde shyǵarmashylyq baǵyttaǵy baǵdarlamalar bar.Osy rette balalar ádebietine erekshe kóńil bólip, qazaq tiliniń qoldanys aiasyn keńeitýge at salysyp júrgen Shyńǵys Muqan týraly aityp ketpeske bolmas.
Shyńǵys Muqan «Mazmundama» baspasynyń negizin qalaýshylardyń biri. Bul baspa qazaq tilinde balalarǵa arnalǵan ádebietterdi, sondai-aq álemdik bestsellerler men tulǵalar týraly shyǵarmalardy ana tilimizge aýdarýmen ainalysady. Qoǵam belsendisiniń basty maqsaty – balalar ádebietin damytý. Oqyrmandarǵa tanymal tulǵalardy tanystyratyn «Ol kim» atty seriia kitaptaryn da shyǵardy.
«Elimizdiń bolashaǵy qazaq tiline bailanysty. Sondyqtan qazaq tilinde beriletin aqparattar men kontentterdiń mazmunyna tereń úńilý kerek. Mazmundy damyta otyryp, qazaq tilin damytamyz, ol arqyly qazaqtardy damytamyz, solaisha elimizdiń damýyna úles qossaq pa degen niette atalmysh baspa quryldy», - deidi Shyńǵys Muqan.
«Aýylǵa kitap» jobasy aiasynda Mazmundama baspasy birqatar balalarǵa arnalǵan ádebietterdiń tusaýkeserin ótkizdi. Sharada «Aljernonǵa arnalǵan gúl», «Qabanbai batyr kim», «Birlik bar jerde», «Aqsha aǵashta óspeidi», «Jaqsy oqysań, maqsatyńa jetesiń», «Ákem jumyssyz qaldy» kitaptary aýyl balalaryna tegin taratyldy.
Elimizde balalar ádebieti jyly 2021 jyly jariialanǵan. Bul sheshim Qazaqstan Respýblikasynyń Mádeniet jáne sport ministrligi tarapynan qabyldanyp, balalarǵa arnalǵan ádebietti damytýǵa, qazaq tilindegi kitaptardyń qoljetimdiligin arttyrýǵa baǵyttalǵan. Balalar ádebieti jylynyń maqsaty – balalarǵa arnalǵan sapaly ádebietti qoldaý jáne nasihattaý arqyly olardyń oqýǵa degen qyzyǵýshylyǵyn oiatý.
«Balalar ádebieti» jylynda oqý talǵamynan shyqqan eń úzdik balalar jazýshysy bolyp balalar jazýshy, kinostsenarist, qazaq mifologiiasyn zertteýshi Zira Naýryzbaeva tanyldy.
Balalar taqyrybyna qatysty shyǵarmalar jazýǵa avtor óz oiyn bylaisha bildirgen eken:
«Al balalar taqyrybyna barýymnyń sebebi qyzyma qatysty. Adam amaldyń joqtyǵynan keide sondai batyl qadamdarǵa barady eken. Mysaly, "Batýmen onyń dostarynyń basynan keshkenderi" povestine balalar keremet qyzyǵýshylyq tanytyp, muny "Hárri Poterdiń" qazaqsha balamasy», - degen edi jazýshy.
Zira Naýryzbaeva – qazaqstandyq jazýshy, etnograf jáne stsenarist. Ol qazaq mádenieti men mifologiiasy, tarihy týraly zertteýler men shyǵarmashylyq jobalarymen tanymal. Zira Naýryzbaeva qazaq halqynyń aýyz ádebieti men ulttyq mifologiiasyn zerttep, osy taqyryptardy qazirgi zamanǵy ádebietke engizedi. Sondai-aq balalar ádebieti men mádenietine úles qosyp, qazaq ertegileri men mifologiiasyna negizdelgen kitaptar jazyp, oqyrmandarǵa ulttyq qundylyqtardy jetkizýdi maqsat etedi.
