Almatyda kisi óltirgeni úshin 8 jyl izdeýde bolǵan qylmysker ustaldy, dep habarlaidy "Ult aqparat" QR Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
Jedel-izdestirý sharalarynyń nátijesinde 26 aqpanda Almatyda 33 jastaǵy Qaraǵandy qalasynyń turǵyny ustaldy.
Bul adam aýyr qylmys jasaǵany úshin, atap aitqanda, jábirlenýshiniń ólimine ákep soqqan aýyr dene jaraqatyn qasaqana keltirgeni úshin shamamen 8 jyl halyqaralyq izdeýde bolǵan.
Kúdikti Almaty Politsiia departamentiniń ýaqytsha ustaý izoliatoryna qamaldy.
Oǵan qamaýda ustaý týraly bultartpaý sharasy qabyldandy.
Eske salsaq, 2019 jyldyń shildesinde Qaraǵandy oblysynyń prokýratýrasymen Sybailas jemqorlyqqa qarsy qyzmetke kúdiktini izdestirý qaita tapsyrylǵan bolatyn.
