Kiprdyń «Invest Cyprus» úkimettik kompaniiasy Qazaqstanmen investitsiialyq yntymaqtastyq ornatýǵa arnalǵan «Roadshow 2020 – Kazakhstan» onlain biznes forým uiymdastyrdy, dep habarlaidy QR SIM baspasóz qyzmeti.
Is-sharaǵa eki eldiń qarjy jáne isker toptarynyń, bank qurylymdarynyń, aýditorlyq jáne zań kompaniialarynyń ókilderi qatysty.
«Invest Cyprus» tóraǵasy Mihalis Mihael kiprlyq-qazaqstandyq ózara is-qimyl áleýetin joǵary baǵalap, óziniń 2019 jyly Kiprdyń Syrtqy ister ministri bastaǵan biznes-missiia quramynda Nur-Sultanǵa jasaǵan saparynyń tabysty nátijeleri týraly aityp berdi.
Forýmnyń negizgi spikerleri retinde «Kazakh Invest» ulttyq kompaniiasy» AQ Basqarma tóraǵasy Baýyrjan Sartbaev pen Qazaqstannyń Kipr Respýblikasyndaǵy Elshisi (qyzmetin qosa atqarýshy) Satybaldy Burshaqov sóz sóiledi.
B.Sartbaev qatysýshylardy investitsiialardy qorǵaý salasynda Qazaqstan Úkimeti qabyldap jatqan sharalar men sheteldik investorlar úshin salyqtyq jeńildikter týraly habardar etti.
Elshi is-shara qatysýshylaryn ekijaqty saýda-ekonomikalyq bailanystardyń negizgi baǵyttarymen tanystyryp, Kipr Qazaqstannyń Ońtústik Eýropadaǵy mańyzdy seriktesteriniń biri ekenin basa aitty. Ol biznes qaýymdastyǵyn investitsiialyq yntymaqtastyqtyń áleýetin tiimdi paidalanýǵa, sonymen qatar, «Astana» halyqaralyq qarjy ortalyǵy men arnaiy ekonomikalyq aimaqtardyń, ásirese 2021 jylǵy 1 qańtarda eki el arasyndaǵy Qosarlanǵan salyq salýdy boldyrmaý týraly konventsiianyń kúshine enýine bailanysty sheteldik investorlarǵa usynylyp otyrǵan jaǵdaidy eskere otyryp, perspektivalyq jobalardy birlese iske asyrýǵa shaqyrdy.
Diplomat 2020 jyldyń birinshi jartyjyldyǵynyń qorytyndysy boiynsha Kipr Qazaqstan ekonomikasyna quiylǵan tikelei sheteldik investitsiia kólemi boiynsha alǵashqy 10 eldiń qatarynla ekenin habarlady (165 mln AQSh doll. astam). Bul turǵyda taiaýda iskerlik múmkindikterdiń neǵurlym keńeitilgen kún tártibin zerdeleýge yqpal etetin Kipr - Qazaqstan biznes-qaýymdastyǵynyń qurylýyn quptady.
Elshi investitsiialyq saiasatty iske asyrýdyń sharalary men basymdyqtary naqty belgilengen Qazaqstan Prezidenti Qasym-Jomart Toqaevtyń 1 qyrkúiektegi joldaýynyń negizgi tezisterine jeke toqtalyp ótti.
Budan bólek, S.Burshaqov 2021 jylǵy 10 qańtarda Parlament Májilisiniń josparlanǵan sailaýy ótetini jaily habarlady. Osyǵan bailanysty Prezident Q.Toqaevtyń bastamasymen qolǵa alynǵan saiasi reformalardy, onyń ishinde kóp partiialy júieni nyǵaitýdyń mańyzdylyǵyn atap ótti.
