Foto: elements.envato.com
Almatyda "úsh jigit jabylyp zorlady" degen qyzdyń oqiǵasyna qatysty jańa derekter shyqty. 21 jastaǵy qyz Kinoroom-nyń basshysy jumys ornyna aparyp, eki dosymen birge aram oiyn iske asyrdy dep politsiiaǵa shaǵym túsirgen, - dep habarlaidy Tengrinews.kz saity KTK telearnasyna silteme jasap.
Telearna málimetinshe, sumdyq oqiǵa bolǵan kinozal basshylyǵy jábirlenýshiniń sózin joqqa shyǵarǵan. Olardyń aitýynsha, burynǵy qyzmetker tanys qyzymen birge túngi seansqa kelgen. Sosyn kino kóretin bólmege taǵy eki jigit kirip, sońy aiǵai-shýǵa ulasypty. Sondai-aq, "Kinorým" ókilderi sol kúni spirttik ishimdikke sylqiia toiyp alyp, janjal shyǵarǵan qyzdyń ózi bodi massajben ainalysady dep otyr.
Almatyda 21 jastaǵy qyz "Kinorýmnyń" basshysy dostarymen birge toptasyp zorlady dep politsiiaǵa shaǵym túsirdi. Oqiǵa tórt kún buryn qalanyń qaq ortasyndaǵy kino kórýge arnalǵan zalda bolǵan. Bul mekemeniń basshylyǵy burynǵy qyzmetker tanys qyzymen túngi seansqa kirgenin jasyrmaidy. Sosyn tań alakeýimde onyń dostary kelip, sońy janjalǵa ulasty dep otyr.
"Kinorýmnyń" direktorymyn dep tanystyrǵan. Shyn máninde ol jigit naýryzda jumystan shyǵyp ketken. Jai ǵana jumysshy bolǵan. Kabinkalardy tekseretin. Bizde aýysym jabylmai, qyz ekeýi bir seansqa kinoǵa kelgen. Sonymen jalǵasqan. Ony dostary qai kezde kelgeni belgisiz. Ózi qatty mas bolǵan. Kózin ashsa, birge kelgen jigiti emes, basqa jigit ekenin kórgen soń, shý shyǵarǵan", - deidi Kinoroom atqarýshy direktory Qasiet Jaqsylyq.
Jábirlenýshi qyz sol kúni mas bolǵan kórinedi. Esin jiǵan soń, aiǵaiǵa basyp, bótelkeniń synyǵymen tamyryn kespek bolǵanyn mundaǵy jumysshylar kóripti. "Kinorýmnyń" qyzmetkerleri qyzdyń bodi-massaj qyzmetin kórsetetin aitady. Tipti klientterimen osy jerge jii kelip, eks-áriptesimizben jaqyn aralasyp ketti deidi.
"Ol qyz bodimassajben ainalysady. Bul jerge ol basqa er adammen keledi. Jumystan shyǵyp ketken bala jalaqysyn alýǵa kelgende tanysady. Bizde bodi-massaj qyzmeti kórsetilmeidi. Jynystyq qatynas bolmaidy. Alkogol satylmaidy. Tańǵy altyǵa deiin shekteý. Tańǵy altyda barlyǵy shyǵyp ketýi kerek", - deidi Kinoroom atqarýshy direktory Qasiet Jaqsylyq.
Politsiia sot-meditsinalyq saraptama taǵaiyndalyp, "zorlaý" baby boiynsha qylmystyq is qozǵalǵanyn jetkizdi. Tergeý júrip jatyr.
"Qylmystyń naqty bolǵan-bolmaǵanyn kózben ólshep aita almaimyz. Sondyqtan da saraptama zertteýler taǵaiyndaldy. Sarapshylar zorlaý áreketi naqty boldy degen uiǵarym shyǵarsa, onda bul azamattar mindetti túrde qylmystyq jaýapqa tartylyp, tergeýde olarǵa qoldanylatyn bultartpaý sharasy taǵaiyndalady", - deidi Almaty PD resmi ókili Saltanat Ázirbek.
Tártip saqshylary ázirge eshkim qamaýǵa alynbady deidi. Tergeýshiler atalmysh iske qatysy bar adamdardan tek suraq-jaýap alyp jatyr. Sot-meditsinalyq saraptamanyń qorytyndysy shamamamen bir aidan keiin belgili bolady.
Telearna tilshileri "Úsh jigit meni jynystyq qatynasqa májbúrledi" degen qyzdyń jaqyndarymen de bailanysqa shyqqan. Biraq olar suhbat berýden bas tartqan. Jábirlenýshi qyz kolledj bitirip, Atyraýdan Almatyǵa jumys isteýge kelipti. Alaida týystary onyń naqty qandai kásippen ainalysqanyn bilmeidi.
