Kino óndirisi salasyndaǵy qyzmetter jyl ishinde 13,5 paiyzǵa artty, dep habarlaidy QazAqparat tilshisi ranking.kz portalyna silteme jasap.
Osy jyldyń 3 toqsanynyń qorytyndysynda kino-videofilmder men televiziia baǵdarlamasy, fonogramma men mýzykalyq jazbalar óndirisi boiynsha qyzmetter 31,7 mlrd teńgeni qurady. Bul ótken jyldyń dál osyndai kezeńimen salystyrǵanda 19,3 paiyzǵa joǵary. Al shynaiy ósim – 13,5 paiyz. Al ekonomikanyń baiqalmaityn sektoryn esepke almaǵandaǵy qyzmetter kólemi 30,9 mlrd teńge boldy. Jyl ishindegi ósim 17,5 paiyzǵa jetti.
Óńirler sheginde qyzmetterdiń negizgi bóligin Almaty qalasy kórsetti. Bul qalada kórsetilgen qyzmetter 21,9 mlrd teńgege jetti. Sonymen qatar úzdik úshtiktiń qatarynda Nur-Sultan (6,2 mlrd teńge) men Shymkent qalalary (952,9mln teńge) bar.
Sektordaǵy barynsha az kórsetilgen qyzmet Aqtóbe oblysynda kórsetildi. Bul óńirde jyl ishinde kórsetiletin qyzmetter kólemi 1 jyl burynǵy nátijemen salystyrǵanda 39,5 paiyzǵa qysqaryp, ne bári 6,4 mln teńgeni ǵana qurdy.
Al qyzmetter kóleminiń jyl ishindegi eń joǵary ósimi Aqmola oblysynda tirkeldi. Óńirde qyzmetter kólemi bir jylda 3,2 esege artyp, 57,2 mln teńgege jetti.
Sektorlaǵy barlyq qyzmetterdiń jartysynan kóbin kino-videofilmder men televiziialyq baǵdarlamalar alady: 1 jylda 91,3 paiyzǵa artyp, 16,5 mlrd teńge boldy. Kino-videofilm men televiziia baǵdarlamalaryn taratýǵa qatysty qyzmetter kólemi 3,1 paiyzǵa ulǵaiyp, 9,2 mln teńgeni quraidy. Kinofilmder kórsetý qyzmetteri jyl ishinde 21,2 paiyzǵa tómendedi jáne 4,7 mlrd teńge boldy.
