كينو ٶندٸرٸسٸ سالاسىنداعى قىزمەتتەر جىل ٸشٸندە 13,5 پايىزعا ارتتى, دەپ حابارلايدى قازاقپارات تٸلشٸسٸ ranking.kz پورتالىنا سٸلتەمە جاساپ.
وسى جىلدىڭ 3 توقسانىنىڭ قورىتىندىسىندا كينو-ۆيدەوفيلمدەر مەن تەلەۆيزييا باعدارلاماسى, فونوگرامما مەن مۋزىكالىق جازبالار ٶندٸرٸسٸ بويىنشا قىزمەتتەر 31,7 ملرد تەڭگەنٸ قۇرادى. بۇل ٶتكەن جىلدىڭ دەل وسىنداي كەزەڭٸمەن سالىستىرعاندا 19,3 پايىزعا جوعارى. ال شىنايى ٶسٸم – 13,5 پايىز. ال ەكونوميكانىڭ بايقالمايتىن سەكتورىن ەسەپكە الماعانداعى قىزمەتتەر كٶلەمٸ 30,9 ملرد تەڭگە بولدى. جىل ٸشٸندەگٸ ٶسٸم 17,5 پايىزعا جەتتٸ.
ٶڭٸرلەر شەگٸندە قىزمەتتەردٸڭ نەگٸزگٸ بٶلٸگٸن الماتى قالاسى كٶرسەتتٸ. بۇل قالادا كٶرسەتٸلگەن قىزمەتتەر 21,9 ملرد تەڭگەگە جەتتٸ. سونىمەن قاتار ٷزدٸك ٷشتٸكتٸڭ قاتارىندا نۇر-سۇلتان (6,2 ملرد تەڭگە) مەن شىمكەنت قالالارى (952,9ملن تەڭگە) بار.
سەكتورداعى بارىنشا از كٶرسەتٸلگەن قىزمەت اقتٶبە وبلىسىندا كٶرسەتٸلدٸ. بۇل ٶڭٸردە جىل ٸشٸندە كٶرسەتٸلەتٸن قىزمەتتەر كٶلەمٸ 1 جىل بۇرىنعى نەتيجەمەن سالىستىرعاندا 39,5 پايىزعا قىسقارىپ, نە بەرٸ 6,4 ملن تەڭگەنٸ عانا قۇردى.
ال قىزمەتتەر كٶلەمٸنٸڭ جىل ٸشٸندەگٸ ەڭ جوعارى ٶسٸمٸ اقمولا وبلىسىندا تٸركەلدٸ. ٶڭٸردە قىزمەتتەر كٶلەمٸ بٸر جىلدا 3,2 ەسەگە ارتىپ, 57,2 ملن تەڭگەگە جەتتٸ.
سەكتورلاعى بارلىق قىزمەتتەردٸڭ جارتىسىنان كٶبٸن كينو-ۆيدەوفيلمدەر مەن تەلەۆيزييالىق باعدارلامالار الادى: 1 جىلدا 91,3 پايىزعا ارتىپ, 16,5 ملرد تەڭگە بولدى. كينو-ۆيدەوفيلم مەن تەلەۆيزييا باعدارلامالارىن تاراتۋعا قاتىستى قىزمەتتەر كٶلەمٸ 3,1 پايىزعا ۇلعايىپ, 9,2 ملن تەڭگەنٸ قۇرايدى. كينوفيلمدەر كٶرسەتۋ قىزمەتتەرٸ جىل ٸشٸندە 21,2 پايىزعا تٶمەندەدٸ جەنە 4,7 ملرد تەڭگە بولدى.
