Qazaqstanda kinematografiia salasyna bólinetin qarajattyń 70 paiyzy tarihi, patriottyq kartinalarǵa baǵyttalmaq. Bul týraly Mádeniet jáne sport ministri Aqtoty Raiymqulova málim etti, dep habarlaidy QazAqparat.
«2021 jyly kinematografiia salasynda jyl saiynǵy memlekettik qarjylandyrýdyń jalpy kóleminiń 70%-yn tarihi, patriottyq jáne imidjdik kartinalarǵa, al qalǵan 30%-y mólsherindegi qarajatty jeke kinojobalardy jáne jas talanttardyń debiýttik filmderin qarjylandyrýǵa baǵyttaý kózdelgen. Osy arqyly kinoóndiris salasynda jańa biýdjettik saiasatty iske asyrý jónindegi jumysty jandandyrylady», - dedi Aqtoty Raiymqulova ministrliktiń alqa májilisinde.
Onyń aitýynsha kino óndirisine jyl saiyn bólinetin memlekettik qarajattyń kúrdeli qoiylymdy tarihi filmder shyǵarý úshin keminde 50%-yn «Qazaqfilm» kinostýdiiasyna jiberýge múmkindik beretin normany zańnamalyq deńgeide kózdeý qajet. Sonymen qatar, Memleket basshysynyń tapsyrmasyn iske asyrý aiasynda jaqyn arada Sháken Aimanov atyndaǵy «Qazaqfilm» AQ modernizatsiiasyn sapaly júzege asyrý kerek.
