Ońtústik Koreianyń áigili rejisseri Kim Ki Dýk Qazaqstanda film túsiretin boldy. Bul týraly qazaqstandyq rejisser Aqan Sataev aitty.
«I Halyqaralyq Almaty Film Festival óziniń jemisin berip jatyr. Búkil álemge áigili Ońtústik Koreianyń rejisseri Kim Ki Dýk Almatyǵa taǵy keldi. Onyń basty maqsaty - Qazaqstanda jańa film túsirý. Men maqtanyshpen @astanafilmfund osy jobaǵa qatysýshy bolǵanyn aitqym keledi», - dep jazady Aqan Sataev óz paraqshasynda.
Qazaqstandyq rejisserdiń habarlaýynsha, keshe ol koreialyq rejissermen kezdesý ótkizip, túsirilim protsesi, akterlardy tańdaý jumysyn talqylaǵan.
«Aita keterligi, film qazaqstan retinde tanystyrylady. Barlyq túsirilim jumystary Almatyda bizdiń akterlardyń qatysýymen ótedi. Kartina Qazaqstan men TMD elderindegi prokat úshin orys tilinde túsiriledi. Halyqaralyq kórermenderdiń kóńilinen shyǵar film bolady degen úmittemin», - deidi Aqan Sataev.
Aita ketsek, Kim Ki Dýk áigili «Peta» trilerimen Venetsiia kinofestivalinde «Altyn arystan» syilyǵyn alǵan, San-Sebastiandaǵy Halyqaralyq kinofestivalde top jarǵan, Briýssel Halyqaralyq fantastikalyq filmder festivalinde «Altyn Qarǵa» syilyǵyna ie bolǵan rejisser. «Jabaiy janýarlar», «Qus tory» oteli», «Shynaiy ótirik», «Ariran» filmderi álemniń birqatar tilderine aýdarylyp, kórermenniń zor yqylasyna ie bolǵan.
