وڭتٷستٸك كورەيانىڭ ەيگٸلٸ رەجيسسەرٸ كيم كي دۋك قازاقستاندا فيلم تٷسٸرەتٸن بولدى. بۇل تۋرالى قازاقستاندىق رەجيسسەر اقان ساتاەۆ ايتتى.
«ٸ حالىقارالىق Almaty Film Festival ٶزٸنٸڭ جەمٸسٸن بەرٸپ جاتىر. بٷكٸل ەلەمگە ەيگٸلٸ وڭتٷستٸك كورەيانىڭ رەجيسسەرٸ كيم كي دۋك الماتىعا تاعى كەلدٸ. ونىڭ باستى ماقساتى - قازاقستاندا جاڭا فيلم تٷسٸرۋ. مەن ماقتانىشپەن @astanafilmfund وسى جوباعا قاتىسۋشى بولعانىن ايتقىم كەلەدٸ», - دەپ جازادى اقان ساتاەۆ ٶز پاراقشاسىندا.
قازاقستاندىق رەجيسسەردٸڭ حابارلاۋىنشا, كەشە ول كورەيالىق رەجيسسەرمەن كەزدەسۋ ٶتكٸزٸپ, تٷسٸرٸلٸم پروتسەسٸ, اكتەرلاردى تاڭداۋ جۇمىسىن تالقىلاعان.
«ايتا كەتەرلٸگٸ, فيلم قازاقستان رەتٸندە تانىستىرىلادى. بارلىق تٷسٸرٸلٸم جۇمىستارى الماتىدا بٸزدٸڭ اكتەرلاردىڭ قاتىسۋىمەن ٶتەدٸ. كارتينا قازاقستان مەن تمد ەلدەرٸندەگٸ پروكات ٷشٸن ورىس تٸلٸندە تٷسٸرٸلەدٸ. حالىقارالىق كٶرەرمەندەردٸڭ كٶڭٸلٸنەن شىعار فيلم بولادى دەگەن ٷمٸتتەمٸن», - دەيدٸ اقان ساتاەۆ.
ايتا كەتسەك, كيم كي دۋك ەيگٸلٸ «پەتا» تريلەرٸمەن ۆەنەتسييا كينوفەستيۆالٸندە «التىن ارىستان» سىيلىعىن العان, سان-سەباستيانداعى حالىقارالىق كينوفەستيۆالدە توپ جارعان, بريۋسسەل حالىقارالىق فانتاستيكالىق فيلمدەر فەستيۆالٸندە «التىن قارعا» سىيلىعىنا يە بولعان رەجيسسەر. «جابايى جانۋارلار», «قۇس تورى» وتەلٸ», «شىنايى ٶتٸرٸك», «اريران» فيلمدەرٸ ەلەمنٸڭ بٸرقاتار تٸلدەرٸنە اۋدارىلىپ, كٶرەرمەننٸڭ زور ىقىلاسىنا يە بولعان.
