Kiikterdi atýǵa qatysty sheshim 1 aidyń ishinde qabyldanady. Bul týraly búgin Ortalyq kommýnikatsiialar qyzmetinde ótken baspasóz máslihatynda Batys Qazaqstan oblysynyń ákimi Ǵali Esqaliev aitty, dep habarlaidy QazAqparat.
«Sońǵy ýaqytta bul suraqty tilshiler qaýymy jii qozǵap jatyr. «Kiikterdi atý, atpaýdy nege ministrlik qana sheshý kerek?» dep jatqandar da bar. Menińshe, ministrlik te, biz de jaýapty bolýymyz kerek. 2023 jylǵa deiin elimizde kiik atýǵa moratorii bolǵany barshańyzǵa aian. Taiaýda osy málesege arnalǵan jiyn ótip, onda moratoriidiń óz maqsatyna jetkeni aityldy. Iaǵni kiikterdiń sany qaýipti kólemnen asty. Úkimettiń qaýlysyna sáikes biyl 1 shildeden bastap rezervat ashylýy tiis», - dedi Ǵali Esqaliev.
Oblys basshysynyń aitýynsha, kiikterdi atýǵa qatysty sheshim bir aidyń kóleminde qabyldanady.
«Árine, aldymen kiikterdiń popýliatsiiasyn joǵaltpaýymyz kerek. Rezervattyń maqsaty – kiikterdiń sanyn arttyrý emes, popýliatsiiasyn saqtap qalý. Sarapshylardyń pikirinshe shamamen 150-200 myń bas kiikti saqtap qalý kerek. Odan bólek, kiikterdiń sanyn biz retteýimiz qajet. Kiikterdiń kóbeiýi aýyl sharýashylyǵyna da zardabyn tigizip jatyr. Sondyqtan bul másele sheshilýi tiis. Kiikterdi atýǵa qatysty sheshim 1 aidyń ishinde qabyldanady», - deidi ol.
