كيٸكتەردٸ اتۋعا قاتىستى شەشٸم 1 ايدىڭ ٸشٸندە قابىلدانادى. بۇل تۋرالى بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا باتىس قازاقستان وبلىسىنىڭ ەكٸمٸ عالي ەسقاليەۆ ايتتى, دەپ حابارلايدى قازاقپارات.
«سوڭعى ۋاقىتتا بۇل سۇراقتى تٸلشٸلەر قاۋىمى جيٸ قوزعاپ جاتىر. «كيٸكتەردٸ اتۋ, اتپاۋدى نەگە مينيسترلٸك قانا شەشۋ كەرەك?» دەپ جاتقاندار دا بار. مەنٸڭشە, مينيسترلٸك تە, بٸز دە جاۋاپتى بولۋىمىز كەرەك. 2023 جىلعا دەيٸن ەلٸمٸزدە كيٸك اتۋعا موراتوريي بولعانى بارشاڭىزعا ايان. تاياۋدا وسى مەلەسەگە ارنالعان جيىن ٶتٸپ, وندا موراتورييدٸڭ ٶز ماقساتىنا جەتكەنٸ ايتىلدى. ياعني كيٸكتەردٸڭ سانى قاۋٸپتٸ كٶلەمنەن استى. ٷكٸمەتتٸڭ قاۋلىسىنا سەيكەس بيىل 1 شٸلدەدەن باستاپ رەزەرۆات اشىلۋى تيٸس», - دەدٸ عالي ەسقاليەۆ.
وبلىس باسشىسىنىڭ ايتۋىنشا, كيٸكتەردٸ اتۋعا قاتىستى شەشٸم بٸر ايدىڭ كٶلەمٸندە قابىلدانادى.
«ەرينە, الدىمەن كيٸكتەردٸڭ پوپۋلياتسيياسىن جوعالتپاۋىمىز كەرەك. رەزەرۆاتتىڭ ماقساتى – كيٸكتەردٸڭ سانىن ارتتىرۋ ەمەس, پوپۋلياتسيياسىن ساقتاپ قالۋ. ساراپشىلاردىڭ پٸكٸرٸنشە شامامەن 150-200 مىڭ باس كيٸكتٸ ساقتاپ قالۋ كەرەك. ودان بٶلەك, كيٸكتەردٸڭ سانىن بٸز رەتتەۋٸمٸز قاجەت. كيٸكتەردٸڭ كٶبەيۋٸ اۋىل شارۋاشىلىعىنا دا زاردابىن تيگٸزٸپ جاتىر. سوندىقتان بۇل مەسەلە شەشٸلۋٸ تيٸس. كيٸكتەردٸ اتۋعا قاتىستى شەشٸم 1 ايدىڭ ٸشٸندە قابىلدانادى», - دەيدٸ ول.
