Qasym-Jomart Toqaev Ekologiia, geologiia jáne tabiǵi resýrstar ministri Serikqali Brekeshevke sógis jariialady, - dep habarlaidy Tengrinews.kz.
"Ministrge sógis jariialaimyn. Birinshiden, osy aitqandarym úshin sógis. Ekinshiden, aqbóken popýliatsiiasynyń taǵdyry tóńireginde túsiniksiz áýre-sarsań jáne pikirtalas bastaǵany úshin. Munyń bárin qoǵamdyq talqylaý deńgeiine jetkizýdiń ne qajeti bar?", - dedi Toqaev úkimettiń keńeitilgen otyrysynda.
Ol ministrdi kiikterdiń popýliatsiiasy máselesine ult mentalitetin eskere otyryp, kásibi turǵydan qaraýǵa shaqyrdy.
"Shynynda da, kiik - qazaq úshin kieli janýar. 80 myń kiikti tabiǵi landshafttan shyǵarý, iaǵni qyrý týraly usynys jasalyp jatyr. Basqa da ádister bar kórinedi. Sarapshylarmen keńesińiz, bul tótenshe sharalar. Bul sharaǵa da júginýge týra keletinin joqqa shyǵarmaimyn. Biraq bul shekten shyqqan shara, dep basa aitamyn. Biz bul máselege kásibi turǵydan qaraýymyz kerek", - dep qosty Prezident.
