Qylmystyq zańnamaǵa kiik aýlaýǵa qatysty jeke bap enýi múmkin. Bul týraly QR Bas prokýrorynyń orynbasary Marat Ahmetjanov aitty, dep habarlaidy QazAqparat.
«Barkonerlik qylmystyń barlyq quramy boiynsha brakonerdiń qarýy men kóligin, múlkin tárkileý sharasy engiziledi. Zańsyz ańshylyq, zańsyz balyq aýlaý «teris qylyq» sanatynan «ortasha aýyr qylmys» sanatyna kóshirilýi tiis. Tipti jalǵyz ret brakonerlik jasaǵandar tabiǵatqa shyǵyn keltirmedi degen kúnniń ózinde, Qyzyl kitaptaǵy janýarlar zardap shekpese de bas bostandyǵynan airylýy múmkin. Qoldanystaǵy zańnamada mundai qylmys úshin 40 táýlikke qamaý sharasy qarastyrylǵan», - degen Bas prokýratýra ókili qoryqshyǵa qol kóterý politsiia qyzmetkerine shabýyl jasaý qylmysymen teńestirilý kerektigin aitty.
«Júieli túrde barkonerlikpen ainalysýdyń jaýapkershiligi kúsheitiledi. Sirek kezdesetin ańdar men balyqtar aýlaý «aýyr qylmys» satnatyna ótedi. Iaǵni, 6 jylǵa deiin bas bostandyǵynan aiyrý jazasy qarastyrylǵan. Uiymdasqan qylmystyq top quramynda brakonerlik jasaǵany úshin 10 jylǵa deiin bas bostandyǵynan aiyrý kózdelgen. Zańsyz kiik aýlaý jáne qyrý, múiiz saýdasy úshin jeke qylmystyq quram qarastyrylmaq. Al memlekettik inspektorǵa kúsh qoldaný, ómirine qol suǵý áreketi quqyq qorǵaý qyzmetkerine shabýyl jasaý áreketimen teńestiriledi», - dedi Marat Ahmetjanov.
