QR DIAQM Jastar saiasaty departamenti «Jas Ulan» BBJU jáne «Bolashaq» stipendiattarynyń qaýymdastyǵy» QB birlesip Astana qalasy «Atameken» Qazaqstan kartasy» etno-memorialdyq kesheni aýmaǵynda ashyq aspan astynda «Kieli Túrkistan» atty ashyq dáris ótkizdi.
Is-sharaǵa ǵylym jáne shyǵarmashylyq ziialylary, qoǵam qairatkerleri men saiasattanýshylar QR Din isteri jáne azamattyq qoǵam ministrliginiń ókilderi, respýblikalyq jastar uiymdarynyń basshylary men belsendileri qatysty.
Is-shara aiasynda Memleket tarihy institýty direktorynyń orynbasary Amangeldi Qashqymbaev jastar úshin elimizdiń saiasi ári rýhani ómirindegi Túrkistan qalasynyń tarihi róli týraly tanymdyq dáris oqyp, rýhani ordamyzdyń tarihi faktileri týraly aityp berdi.
Sondai-aq, jýrnalist, QR Prezidenti janyndaǵy Jastar saiasaty jónindegi keńestiń múshesi Qanat Áýesbai qatysýshylar arasynda Túrkistan qalasynyń tarihyn bilý týraly suraq-jaýap saiysyn ótkizdi.
Aktsiianyń maqsaty - jastardyń el tarihyn bilýge qyzyǵýshylyqtaryn arttyrý, mádeni jáne rýhani qundylyqtarǵa baýlý, Túrkistan qalasy ákimshilik ortalyǵymen jańadan qurylǵan Túrkistan oblysynyń imidjin nyǵaitý bolyp tabylady.
2018 jylǵy 19 maýsymda Elbasy Shymkent qalasy respýblikalyq mańyzy bar qalalardyń sanatyna jatqyzý jáne oblystyq ortalyǵy – Túrkistan qalasymen jańadan ákimshilik-aýmaqtyq birlik Túrkistan oblysyn qurý boiynsha Jarlyqqa qol qoiǵanyn esterińizge salamyz.
Memleket basshysy Shymkent bizdiń eldiń ǵana emes, búkil Ortalyq Aziia óńiriniń investitsiialar, tehnologiialar jáne intellektýaldy resýrstardy shoǵyrlandyratyn jańa ortalyǵyna ainalatynyn belgilep, sondai-aq onyń odan ári ilgerileýine septigin tigizetinine jáne qalanyń aldynda jańa perspektivalar ashylatynyn atap kórsetti.
