Tsifrlyq damý ministrligi málimetterin jariialap, 2022-2027 jyldar aralyǵynda elimizde «Kiberqalqan-2» tsifrlyq ekojúiesin damytý tujyrymdamasy júzege asyrylatynyn málimdedi, – dep habarlaidy «Ult aqparat».
Belgili bolǵanyndai, ekojúieni damytýǵa memlekettik biýdjetten qarjy bólinedi. Basqa qarjylandyrý kózderi qarastyrylmaǵan.
QR TsDIAÓM málimetinshe, kiberqaýipterdiń landshaftynyń ózgerýine bailanysty aqparattyq qaýipsizdikke neǵurlym keshendi kózqarasty qabyldaý, biznes-qoǵamdastyqpen dialog qurý qajet. Budan basqa, AKT salasynda biryńǵai tehnikalyq saiasatty ázirleý josparlanýda, onyń sheńberinde kásiporyndar men uiymdar qaýipsizdik deńgeileri boiynsha anyqtalýy múmkin.
Sondai-aq mamandardy daiarlaýǵa arnalǵan «Kiberpoligon» aqparattyq qaýipsizdik jónindegi ulttyq úilestirý ortalyǵyn rezervtik qurý múmkindigi qarastyrylady.
Ortalyqtandyrylǵan radiojiilik monitoringi bólimshesin, azamattyq jáne memlekettik maqsattaǵy radioelektrondyq jabdyqty jáne radiojiilikterdi taǵaiyndaýdy esepke alýdyń ortalyqtandyrylǵan aqparattyq júiesin, radiojiilik spektrin baqylaýdy qurý arqyly búkil respýblika boiynsha radiomonitoring ózgertiletin bolady.
Sonymen qatar, elimizde aqparattyq qaýipsizdiktiń ekonomikalyq júiesin baǵalaýdyń jańa ádistemesi paida bolady. Barlyq osy sharalardy qarjylandyrýdyń qajetti kólemi áli de qalyptasýda.
«Al, «Tsifrlandyrý, ǵylym jáne innovatsiia arqyly tehnologiialyq serpilis» ulttyq jobasy boiynsha 2021-2025 jyldarǵa tsifrlyq jobalardy qarjylandyrýdyń qajetti kólemi 2,2 trln teńgeni quraidy. Onyń ishinde respýblikalyq biýdjetten – 1,4 trillion teńge, jergilikti biýdjetten – 8,2 milliard teńge. 2022 jyly investitsiia kólemi 214,9 mlrd teńge bolady dep kútilýde», – dep habarlaidy QR TsDIAÓM baspasóz qyzimeti.
Sonymen qatar, QR TsDIAÓM málimetteri boiynsha, 2017-2022 jyldary Kiberqalqandy qurýǵa 28,8 mlrd teńge jumsalǵan.
Basqarmada osy ýaqyt ishinde birqatar jobalar júzege asyrylǵanyn túsindirdi. Sonyń ishinde kompiýterlik intsidentter nátijesinde uiymǵa keltirilgen múliktik zalaldy, sondai-aq derekterdiń syrtqa shyǵýy saldarynan jeke tulǵaǵa keltirilgen moraldyq zalaldy óteýge múmkindik beretin «kibersaqtandyrý» uǵymy zańda paida boldy. Aqparattyq qaýipsizdik komiteti qurylyp, IT salasynda kásibi standarttar paida boldy.
«Byltyr senimdi baǵdarlamalyq qamtamasyz etý jáne elektrondy ónerkásip ónimderi tiziliminen 7,9 mlrd teńgeniń ónimi satyp alyndy. 2022 jylǵy 11 shildedegi jaǵdai boiynsha tizilimge 65 otandyq óndirýshilerdiń 205 AKT ónimi engizildi. Sonymen qatar, aqparattandyrý obektilerindegi aqparattyq qaýipsizdikti qoǵamdyq (kásibi) baqylaý mehanizmi bolyp tabylatyn BugBounty osaldyqtaryn anyqtaýǵa arnalǵan jeke platformanyń «ushqyshy» iske qosyldy. Onda 1,1 myńnan astam táýelsiz sarapshy tirkelgen, olardan osaldyqtar týraly habarlamalary bar 1,2 myńnan astam esep alynǵan. Olardyń keibireýleri syni baǵytta», – dep habarlaidy QR TsDIAÓM baspasóz qyzimeti.
Osy oraida aita keteiik, Qazaqstandyq tarap Qyrǵyzstan men Ózbekstannyń ulttyq retteýshilerimen BugBounty baǵdarlamasyn engizý boiynsha memorandýmdarǵa qol qoidy.
Esterińizge salsaq, Tsifrlyq damý ministrligi LS málimetterin jariialap, 2022-2027 jyldar aralyǵynda elimizde «Kiberqalqan-2» tsifrlyq ekojúiesin damytý tujyrymdamasy júzege asyrylatynyn málimdegen bolatyn. Dál osy Kiberqalqandy qurýǵa 2017-2022 jyldary 28,8 mlrd teńge jumsalsa, «Tsifrlandyrý, ǵylym jáne innovatsiia arqyly tehnologiialyq serpilis» ulttyq jobasy boiynsha 2021-2025 jyldarǵa tsifrlyq jobalardy qarjylandyrýdyń qajetti kólemi 2,2 trln teńgeni quraidy.
