Fýtboldan Horvatiia ulttyq quramasynyń múshesi Ante Rebich basynda nesiesi bar aýyldastarynyń barlyq qaryzyn ótep berdi. Bul týraly vijesti.rtl.hr saityna silteme jasap Eurosport habarlaidy.
Jartylai qorǵaýshy Ante Rebich týyp-ósken aýylda qazir 500-ge tarta adam turady.
«Rebich Split mańyndaǵy eldi mekende týyp-ósti. 19 jasynda Italiianyń «Fiorentina» klýbyna ketken bolsa da, tamyr jaiǵan topyraǵyn umytpady. Kishigirim aýyldyń basynda nesiesi bar barlyq turǵyndarynyń qaryzyn tólep berdi», - dep jazady Vijesti basylymy.
Aita keteiik, Rebich Horvatiia sapynda Reseide ótken 2018 jylǵy Álem chempionatynyń 6 kezdesýine qatysyp, Argentina qaqpasyna bir gol soqty.
Keshe, 15 shildede Horvatiia quramasy Frantsiiamen finaldyq oiynda kezdesip, mýndialdyń kúmis júldesin ielendi.
