Elimizdiń bas hokkei týrniri 2020/2021 jylǵy maýsymnan bastap PRO HOKEI LIGASY – Qazaqstannyń kásipqoi hokkei ligasy dep atalady, dep habarlaidy Qazaqstan hokkei federatsiiasynyń (QHF) baspasóz qyzmeti.
Federatsiia Qazaqstannyń «Creeon» dizain stýdiiasymen birlesip sporttyq dizaindaǵy negizgi baǵyttardy beineleitin erekshe emblema jasap shyǵardy.
«Álemdik hokkei trendine ilesip, biz de negizgi logotip retin qalqandy aldyq. Ol qamqorlyq, birlik pen namys simvoly. Ótkir burysh, qatty formalar oiynnyń mánin – kúsh pen energiiany, senimdilikti, biik maqsat men chempiondyqqa degen umtylysty kórsetedi», - delingen QHF Instagram paraqshasynda.
Aita ketsek, buǵan deiin hokkei federatsiiasy da ataýy men uiymnyń logotipin ózgertip rebrending jasaǵan bolatyn.
Qazaqstannyń Kásipqoi hokkei ligasy 12 qyrkúiekte bastalady dep josparlanǵan. Ligaǵa Qazaqstan men Ózbekstannyń 10 komandasy qatysady. 2019/2020 jylǵy maýsym COVID-19 pandemiiasyna bailanysty aiaqtalmai qalǵan edi.
