Mádeniet jáne sport ministri Aqtoty Raiymqulova kásibi sport klýbtaryn biýdjetten qarjylandyrý limitterin atady, dep habarlaidy QazAqparat.
«Kásibi sporttyq klýbtardyń qyzmetine jumsalyp kelgen qarajattyń bir bóligin buqaralyq jáne balalar sportyna bólý týraly Prezidenttiń tapsyrmasyn oryndap kelemiz. Buǵan deiin de aitqanymdai, onyń kólemi 2020 jyly 55 mlrd teńge boldy. Qazirgi tańda Memleket basshysynyń tapsyrmasy boiynsha úlken jumys júrgizildi. Biz limit bekittik. Bul limit barlyq oblystarǵa taratyldy», - dedi ministr Ortalyq kommýnikatsiialar qyzmetinde ótken brifingte.
Sala jetekshisiniń aitýynsha, qarjylandyrý shegi ár sport baǵytyna qarai jeke-jeke rettelgen.
«Mysaly fýtbol nemese hokkei klýbtaryn qarjylandyrý kólemi 1,2 mlrd teńgeden aspaýy kerek. Qalǵan sport túrlerine qoiylǵan limit 450 mln teńgeden aspaýy tiis. Munyń ekonomikalyq tiimdiligi eleýli bolady. Óitkeni únemdelgen aqshanyń bári buqaralyq sportty damytýǵa, balalar men jasóspirimder sportyna arnalǵan memlekettik tapsyrystarǵa baǵyttalady», - dedi Aqtoty Raiymqulova.
