Qurlyqtyq hokkei ligasy aiasynda elordalyq «Barys» búgin, 16 aqpanda óz aidynynda «Avangard» (Omby) komandasyn qabyldady, dep habarlaidy "Ult aqparat".
Eki komanda buǵan deiin 61 márte sheberlik baiqasty. Onyń 21-de «Barys» basymdyq tanytsa, qalǵanynda «Avangardtyń» mereii ústem bolǵan.
Biyl komandalar bir-birimen eki márte kezdesti. Qarsylastar bir-bir márteden jeńiske jetti. Olar búginge deiin plei-off kezeńine shyǵyp úlgerdi. Endigi kezekte týrnir kestesindegi jaǵdaiyn jaqsartyp, ózine yńǵaily qarsylasqa jolyǵý mindeti aldarynda tur.
Búgingi kezdesý tartysty ótti. Esepti 6-minýtta «Barys» hokkeishisi Álihan Ásetov ashty. Oǵan 9-minýtta reseilik Rid Býshe bir shaibamen jaýap berip, tarazy basy teńesti. Al 30-minýtta Nikita Mihailis elordalyq klýbty taǵy da alǵa shyǵardy. Oiynnyń 59-minýtynda «Avangard» oiynshysy Korban Nait tarazy basyn teńestirip ketti. Osylaisha kezdesý overtaimǵa ulasty. Overtaimda Nikita Mihailis jeńis shaibasyn soqty. Oiyn 3:2 esebimen «Barystyń» basymdyǵymen aiaqtaldy.
Endi «Barys» 18 aqpanda elordada Reseidiń «Avtomobilist» komandasyn qabyldaidy.
