Qurlyqtyq hokkei ligasy aiasynda elordalyq «Barys» búgin, 23 aqpanda elordada Reseidiń «Ak Bars» (Qazan) komandasymen kezdesti, dep habarlaidy "Ult aqparat".
Eki komanda buǵan deiin 40 márte sheberlik baiqasty. Onyń on segizinde «Barys» basymdyq tanytsa, qalǵanynda «Ak Barstyń» mereii ústem boldy. Elordalyq klýb olardyń qaqpasyna 75 shaiba soqsa, óz qaqpasyna 137 gol jiberip aldy.
Aita keterligi, eki komanda arasyndaǵy sońǵy tórt oiynda reseilik klýbtyń úsh márte mereii ústem boldy.
Sondyqtan búgingi oiyn tartysty ótti. Elordalyq komanda sapynan Kiortis Valk 19-minýtta mergendigimen kózge tústi. Al 32-minýtta Darren Dits esepti ulǵaitty.
Budan keiin «Ak Bars» sapynan Viktor Tihonov 34, Dmitrii Iýdin 50-minýtta gol soǵyp, tarazy basyn teńestirdi. Al 51-minýtta Fil Varone «Barysty» taǵy da alǵa shyǵarsa, oǵan reseilik hokkeishi Kirill Petrov bir shaibamen jaýap qaiyrdy.
Negizgi kezeń 3:3 esebimen teń aiaqtalyp, oiyn overtaimǵa ulasty. Overtaimda «Ak Bars» sapynan Artiom Galimov jeńis shaibasyn soqty. Osylaisha elordalyq komanda qarsylasyna 3:4 esebimen jol berdi.
Endi «Barys» syrt aidynda Qytaidyń «Kýnlýn Red Star» komandasymen kezdesedi.
