قۇرلىقتىق حوككەي ليگاسى اياسىندا ەلوردالىق «بارىس» بٷگٸن, 23 اقپاندا ەلوردادا رەسەيدٸڭ «اك بارس» (قازان) كومانداسىمەن كەزدەستٸ, دەپ حابارلايدى "ۇلت اقپارات".
ەكٸ كوماندا بۇعان دەيٸن 40 مەرتە شەبەرلٸك بايقاستى. ونىڭ ون سەگٸزٸندە «بارىس» باسىمدىق تانىتسا, قالعانىندا «اك بارستىڭ» مەرەيٸ ٷستەم بولدى. ەلوردالىق كلۋب ولاردىڭ قاقپاسىنا 75 شايبا سوقسا, ٶز قاقپاسىنا 137 گول جٸبەرٸپ الدى.
ايتا كەتەرلٸگٸ, ەكٸ كوماندا اراسىنداعى سوڭعى تٶرت ويىندا رەسەيلٸك كلۋبتىڭ ٷش مەرتە مەرەيٸ ٷستەم بولدى.
سوندىقتان بٷگٸنگٸ ويىن تارتىستى ٶتتٸ. ەلوردالىق كوماندا ساپىنان كيورتيس ۆالك 19-مينۋتتا مەرگەندٸگٸمەن كٶزگە تٷستٸ. ال 32-مينۋتتا داررەن ديتس ەسەپتٸ ۇلعايتتى.
بۇدان كەيٸن «اك بارس» ساپىنان ۆيكتور تيحونوۆ 34, دميتريي يۋدين 50-مينۋتتا گول سوعىپ, تارازى باسىن تەڭەستٸردٸ. ال 51-مينۋتتا فيل ۆارونە «بارىستى» تاعى دا العا شىعارسا, وعان رەسەيلٸك حوككەيشٸ كيريلل پەتروۆ بٸر شايبامەن جاۋاپ قايىردى.
نەگٸزگٸ كەزەڭ 3:3 ەسەبٸمەن تەڭ اياقتالىپ, ويىن وۆەرتايمعا ۇلاستى. وۆەرتايمدا «اك بارس» ساپىنان ارتيوم گاليموۆ جەڭٸس شايباسىن سوقتى. وسىلايشا ەلوردالىق كوماندا قارسىلاسىنا 3:4 ەسەبٸمەن جول بەردٸ.
ەندٸ «بارىس» سىرت ايدىندا قىتايدىڭ «كۋنلۋن رەد ستار» كومانداسىمەن كەزدەسەدٸ.
