QR Bas sanitar dárigeriniń qaýlysyna sáikes elimizdiń halyqqa qyzmet kórsetý ortalyqtary azamattardy tek aldyn ala bron boiynsha qabyldaidy.
Bul týraly «Azamattarǵa arnalǵan úkimet» memlekettik koroporatsiiasy KEAQ-tyń baspasóz qyzmeti habarlady.
Baspasóz qyzmetiniń málimetterine qaraǵanda, HQO-lardyń jumys kestesi de qysqartylǵan, front-ofister memlekettik qyzmetterdi tańǵy 9-dan keshki 6-ǵa deiin usynatyn bolady. Elimizdiń barlyq oblysynda HQO-lar bes kúndik jumys kestesine ótti, senbi jáne jeksenbi kúnderi jumys istemeidi.
Osy sharalarǵa bailanysty HQO-lardyń bir kúnde qabyldaýy múmkin azamattardyń sany shektelip otyr. Halyqtyń kópshiligin qamtý jáne brondaý múmkindigin qoljetimdi etý maqsatynda «Azamattarǵa arnalǵan úkimet» memlekettik korporatsiiasy front-ofisterde qyzmet kórsetý ýaqytyn 20 minýttan 15 minýtqa deiin qysqartý týraly sheshim qabyldady.
Bul brondaýǵa bolatyn slottardyń sanyn 25%-ǵa arttyrdy. Naqty aitqanda, bir qyzmetker bir saǵat ishinde 4 klientke qyzmet kórsete alatyn boldy. Eski brondaý júiesi kezinde saǵatyna úsh ýaqyt sloty qoljetimdi edi, qazir tórtke jetti.
«Jańa júie engizilgennen keiin eski ýaqyt slottary boiynsha kezekke tapsyrys bergen klientter men jańa slot boiynsha tapsyrys bergenderdiń ýaqyty qatar kelýi múmkin. Biz muny aldyn ala boljap otyrmyz, mundai máseleler bólimde birden rettelip otyrady. Bul jaǵdaidy turaqtandyrý úshin birneshe kún qajet, óitkeni brondaý protsesi jańa ýaqyt slottary boiynsha júrgiziledi. Birneshe kúnniń ishinde júie óz qalpyna kelip, HQO-lar barsha halyqty qabyldai alady jáne memlekettik qyzmetti alý protsesi yńǵailanady» - dedi «Azamattarǵa arnalǵan úkimet» memlekettik korporatsiiasynyń Qoǵammen bailanys jónindegi basqarýshy direktory Bairam Azizov.
Azamattardy HQO-ǵa barǵan kezde sanitarlyq-profilaktikalyq normalardy saqtaýdy, betperde taǵýdy jáne áleýmettik qashyqtyqty saqtaýdy suraimyz. Ǵimaratqa kirý «Ashyq» qosymshasy boiynsha júzege asyrylady.
HQO-ǵa kezekti eGov portaly, 1414 Biryńǵai bailanys ortalyǵy jáne @kenes1414bot telegram-bot arqyly brondaýǵa bolady.
