قر باس سانيتار دەرٸگەرٸنٸڭ قاۋلىسىنا سەيكەس ەلٸمٸزدٸڭ حالىققا قىزمەت كٶرسەتۋ ورتالىقتارى ازاماتتاردى تەك الدىن الا برون بويىنشا قابىلدايدى.
بۇل تۋرالى «ازاماتتارعا ارنالعان ٷكٸمەت» مەملەكەتتٸك كوروپوراتسيياسى كەاق-تىڭ باسپاسٶز قىزمەتٸ حابارلادى.
باسپاسٶز قىزمەتٸنٸڭ مەلٸمەتتەرٸنە قاراعاندا, حقو-لاردىڭ جۇمىس كەستەسٸ دە قىسقارتىلعان, فرونت-وفيستەر مەملەكەتتٸك قىزمەتتەردٸ تاڭعى 9-دان كەشكٸ 6-عا دەيٸن ۇسىناتىن بولادى. ەلٸمٸزدٸڭ بارلىق وبلىسىندا حقو-لار بەس كٷندٸك جۇمىس كەستەسٸنە ٶتتٸ, سەنبٸ جەنە جەكسەنبٸ كٷندەرٸ جۇمىس ٸستەمەيدٸ.
وسى شارالارعا بايلانىستى حقو-لاردىڭ بٸر كٷندە قابىلداۋى مٷمكٸن ازاماتتاردىڭ سانى شەكتەلٸپ وتىر. حالىقتىڭ كٶپشٸلٸگٸن قامتۋ جەنە برونداۋ مٷمكٸندٸگٸن قولجەتٸمدٸ ەتۋ ماقساتىندا «ازاماتتارعا ارنالعان ٷكٸمەت» مەملەكەتتٸك كورپوراتسيياسى فرونت-وفيستەردە قىزمەت كٶرسەتۋ ۋاقىتىن 20 مينۋتتان 15 مينۋتقا دەيٸن قىسقارتۋ تۋرالى شەشٸم قابىلدادى.
بۇل برونداۋعا بولاتىن سلوتتاردىڭ سانىن 25%-عا ارتتىردى. ناقتى ايتقاندا, بٸر قىزمەتكەر بٸر ساعات ٸشٸندە 4 كليەنتكە قىزمەت كٶرسەتە الاتىن بولدى. ەسكٸ برونداۋ جٷيەسٸ كەزٸندە ساعاتىنا ٷش ۋاقىت سلوتى قولجەتٸمدٸ ەدٸ, قازٸر تٶرتكە جەتتٸ.
«جاڭا جٷيە ەنگٸزٸلگەننەن كەيٸن ەسكٸ ۋاقىت سلوتتارى بويىنشا كەزەككە تاپسىرىس بەرگەن كليەنتتەر مەن جاڭا سلوت بويىنشا تاپسىرىس بەرگەندەردٸڭ ۋاقىتى قاتار كەلۋٸ مٷمكٸن. بٸز مۇنى الدىن الا بولجاپ وتىرمىز, مۇنداي مەسەلەلەر بٶلٸمدە بٸردەن رەتتەلٸپ وتىرادى. بۇل جاعدايدى تۇراقتاندىرۋ ٷشٸن بٸرنەشە كٷن قاجەت, ٶيتكەنٸ برونداۋ پروتسەسٸ جاڭا ۋاقىت سلوتتارى بويىنشا جٷرگٸزٸلەدٸ. بٸرنەشە كٷننٸڭ ٸشٸندە جٷيە ٶز قالپىنا كەلٸپ, حقو-لار بارشا حالىقتى قابىلداي الادى جەنە مەملەكەتتٸك قىزمەتتٸ الۋ پروتسەسٸ ىڭعايلانادى» - دەدٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ قوعاممەن بايلانىس جٶنٸندەگٸ باسقارۋشى ديرەكتورى بايرام ازيزوۆ.
ازاماتتاردى حقو-عا بارعان كەزدە سانيتارلىق-پروفيلاكتيكالىق نورمالاردى ساقتاۋدى, بەتپەردە تاعۋدى جەنە ەلەۋمەتتٸك قاشىقتىقتى ساقتاۋدى سۇرايمىز. عيماراتقا كٸرۋ «Ashyq» قوسىمشاسى بويىنشا جٷزەگە اسىرىلادى.
حقو-عا كەزەكتٸ eGov پورتالى, 1414 بٸرىڭعاي بايلانىس ورتالىعى جەنە @kenes1414bot تەلەگرام-بوت ارقىلى برونداۋعا بولادى.
