Biyl himiia ónerkásibinde 3 joba júzege asyrylady. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Biyl himiia ónerkásibinde naqty kólem indeksi saladaǵy úlesi 57 paiyzdy quraityn iri kásiporyndardyń óndiris kóleminiń ulǵaiýy esebinen 102 paiyzǵa jetýi tiis. Fosfat tyńaitqyshtar óndirisin 16,6, ammofos 15,4, ammiak selitrasy 10,7, hrom qosylystar óndirisin 13,6 paiyzǵa arttyrýdy josparlap otyrmyz», - dedi óńdeý ónerkásibin damytý jaiynda baiandaǵan ministr.
Onyń atap ótýinshe, biyl úsh jańa joba iske qosylyp, salanyń óndiris kólemin ulǵaitýǵa múmkindik beredi.
«2025 jylǵa deiin birqatar investitsiialyq jobalardy júzege asyrý jáne mineraldy tyńaitqyshtar óndirisiniń qýatyn 1,5 mln tonnaǵa deiin arttyrý kózdelgen», - dedi Beibit Atamqulov.
