بيىل حيمييا ٶنەركەسٸبٸندە 3 جوبا جٷزەگە اسىرىلادى. بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«بيىل حيمييا ٶنەركەسٸبٸندە ناقتى كٶلەم يندەكسٸ سالاداعى ٷلەسٸ 57 پايىزدى قۇرايتىن ٸرٸ كەسٸپورىنداردىڭ ٶندٸرٸس كٶلەمٸنٸڭ ۇلعايۋى ەسەبٸنەن 102 پايىزعا جەتۋٸ تيٸس. فوسفات تىڭايتقىشتار ٶندٸرٸسٸن 16,6, امموفوس 15,4, اممياك سەليتراسى 10,7, حروم قوسىلىستار ٶندٸرٸسٸن 13,6 پايىزعا ارتتىرۋدى جوسپارلاپ وتىرمىز», - دەدٸ ٶڭدەۋ ٶنەركەسٸبٸن دامىتۋ جايىندا بايانداعان مينيستر.
ونىڭ اتاپ ٶتۋٸنشە, بيىل ٷش جاڭا جوبا ٸسكە قوسىلىپ, سالانىڭ ٶندٸرٸس كٶلەمٸن ۇلعايتۋعا مٷمكٸندٸك بەرەدٸ.
«2025 جىلعا دەيٸن بٸرقاتار ينۆەستيتسييالىق جوبالاردى جٷزەگە اسىرۋ جەنە مينەرالدى تىڭايتقىشتار ٶندٸرٸسٸنٸڭ قۋاتىن 1,5 ملن تونناعا دەيٸن ارتتىرۋ كٶزدەلگەن», - دەدٸ بەيبٸت اتامقۇلوۆ.
