Jenevada Zimbabve, Botsvana, Namibiia jáne OAR-dan basqa qurlyqtarǵa pil eksporttaýǵa tyiym salý týraly sheshim qabyldandy, dep habarlaidy DW basylymy.
Osy sheshimdi Joiylýdyń aldynda turǵan jabaiy faýna jáne flora túrleriniń halyqaralyq saýdasy týraly konventsiiaǵa (aǵyl. Convention on International Trade in Endangered Species of Wild Fauna and Flora, CITES) qosylǵan 180-nen astam memleket qabyldady. CITES-tiń 27 tamyz kúni Jenevada ótken konferentsiiasynda atalǵan qaýlynyń qabyldanýyn 87 delegat qoldap, 29-y qarsy bolǵan, 25-i beitarap qalǵan.
Bul sheshimge ásirese Zimbabve qarsy. Germaniianyń Pro Wildlife uiymynyń deregine súiensek, Zimbabve 2012-2017 jyldar aralyǵynda Qytaiǵa 108 pil tólin satqan.
