Japoniiada «Haishen» taifýny saldarynan Kiýsiý aralynda 430 myńǵa jýyq úi elektr jaryǵynsyz qaldy, dep habarlaidy BBC agenttigi.
Bilik aldyn-ala jaǵalaýdaǵy qalalardan eki júz myńnan astam adamdy evakýatsiialaý týraly buiryq berdi. Japoniianyń batys prefektýralaryndaǵy zaýyttar, mektepter, dúkender, kásiporyndar jabyldy. Júzdegen áýe reisi, sondai-aq temirjol bailanysy toqtady.
Sondai-aq Reseidiń Primore ólkesi men Koreia túbeginde de apatqa daiyndyq júrip jatyr.
Birneshe kún boiy Japoniianyń ońtústik araldaryna qarai jyljyp kele jatqan «Haishen» taifýny jeksenbide aitarlyqtai kúsheiip, Máskeý ýaqytymen shamamen 13.00-de jaǵalaýǵa jetti.
Japoniia meteorologiialyq ortalyǵynyń basshysy Ioshihisa Nakamoto Haishenniń óz kúshin áli de joǵaltpaǵanyn eskertti.
Oipatty aýdandarda, ásirese ózen saǵalarynda, kúshti sý tasqyny bolýy múmkin.
«Haishen» - sýpertaifýn, onyń ortalyǵyndaǵy jeldiń jyldamdyǵy sekýndyna 80 metrge nemese saǵatyna 290 km-ge jetedi.
Reseilik Primorede «Haishen» dúisenbi-seisenbi kúnderi de bolady degen boljam bar. Onda Tótenshe jaǵdailar ministrliginiń kúshteri joǵary daiyndyq rejimine kóshken.
Bul – sońǵy aptada Japoniiada bolǵan ekinshi kúshti taifýn.
Munda birneshe kún buryn «Maisak» taifýny bolǵan edi, bul – aimaqtaǵy sońǵy jyldardaǵy eń qatty soqqan daýyldardyń biri.
