Qytaidyń Hainan aralyndaǵy tornado saldarynan zardap shekkender men qaza tapqandardyń arasynda Qazaqstan azamattary joq. Bul jaiynda QR Syrtqy ister ministrliginiń resmi ókili Aibek Smadiiarov málim etti, dep habarlaidy "Ult aqparat".
«Qytai tarabynan alynǵan aqparatqa sáikes, Hainan arasynda qaza tapqandar men zardap shekkenderdiń arasynda sheteldik azamattar, onyń ishinde Qazaqstan azamattary joq», - dedi Aibek Smadiiarov.
Buǵan deiin habarlaǵanymyzdai, Qytai Halyq Respýblikasynyń ońtústigindegi araldyq provintsiia – Hainan qalasynda tornado saldarynan segiz adam qaza taýyp, bireýi aýyr jaraqat aldy. Jergilikti biliktiń málimetinshe, tańǵy saǵat 04.00 shamasynda tornado Danchjoý qalasyn basyp ótken. Qurylys alańynda jumysshylardyń qosalqy nysanynyń qiraýy saldarynan segiz adam mert boldy. Bir adam aýyr zardap shekken. Sondai-aq, bir jumysshy jeńil dene jaraqatyn alǵan.
