Biyl 14,7 mlrd teńgege 31 jolaýshylar vagony satyp alynady. Bul týraly halyqqa esep berý kezdesýinde QR Indýstriia jáne infraqurylymdyq damý ministri Beibit Atamqulov aitty, dep habarlaidy "Ult aqparat".
«Jolaýshy vagondarynyń parki shamamen 2,6 myń birlikti quraidy, ortasha tozýy – 46 paiyz. Halyq tarapynan vagondardyń jai-kúiine qatysty ádil shaǵymdar bar. Shynynda da, parktyń jartysy aýystyrýdy qajet etedi. 2020 jyly memlekettik qoldaý tetigi aiasynda ulttyq tasymaldaýshy 40 mlrd teńgege «Tulpar» zaýytynyń otandyq óndirisiniń 100 vagonyn satyp aldy. Biyl 14,7 mlrd teńge somasyna 31 jolaýshylar vagonyn satyp alýdy josparlap otyr», - dedi ministr.
Onyń aitýynsha, atalǵan vagondar Almaty – Mańǵystaý jáne Almaty – Atyraý baǵyttaryna jetkiziledi.
«Jalpy, 2025 jylǵa deiin biýdjettik nesielendirý aiasynda 295 vagondy jańartý josparlanyp otyr. Budan basqa, osy jyldyń sońyna deiin 252 vagonnyń sanitarlyq toraptaryn jańartý josparlanǵan. Búginde 215 vagonnyń sanitarlyq toraby jańartyldy», - dedi Beibit Atamqulov.
