Aqparat jáne qoǵamdyq damý ministri Aida Balaevanyń tóraǵalyǵymen ÚEU-men ózara is-qimyl jónindegi úilestirý keńesiniń onlain otyrysy ótti, dep habarlaidy "Ult aqparat" vedomstvonyń resmi saityna silteme jasap.
Otyrystyń kún tártibi Halyqty áleýmettik qorǵaýdyń, ekologiialyq problemalardyń ózekti máselelerin sheshýdegi ózara is-qimyldy arttyrýǵa arnalǵan.
Otyrys barysynda Úilestirý keńesine qatysýshylar halyqtyń ózekti máselelerin sheshýdiń tiimdi tásilderin ázirleý, memlekettik organdardyń basym mindetterdi iske asyrýda ÚEU áleýetin tiisti túrde tartý, áleýmettik bastamalardy júzege asyrýda azamattyq qoǵam uiymdarynyń rólin kúsheitý jáne basqa da máselelerdi qozǵady.
Otyrys formaty «Memlekettik organ – ÚEU» qaǵidaty boiynsha, iaǵni, memlekettik organdardyń baiandamasy da, ÚEU ókilderiniń baiandamalary da tyńdaldy.
Ministr óz sózinde halyqqa mańyzdy máselelerdi sheshý boiynsha keshendi jumysty uiymdastyrý úshin óńirlerdegi ÚEU áleýetin paidalanýdyń ózektiligin atap ótti. A.Balaeva ÚEU tiimdiligin arttyrý úshin aqparattyq jumystyń mańyzdylyǵyna erekshe nazar aýdardy.
Jiynda Qazaqstan Azamattyq aliansynyń prezidenti Baný Nurǵazieva baiandama jasady.
«Biz osy jyldyń mamyr aiynda ótken Úilestirý keńesi otyrysynyń usynymdary Aqparat jáne qoǵamdyq damý ministrligi tarapynan, basqa da memlekettik organdar, sonyń ishinde birqatar óńirler tarapynan da nazardan tys qalmaǵanyn kórip otyrmyz. Olar belsendi túrde qoldanylady. Alaida, sheshilmegen máseleler de bar. Osy oraida ózekti problemalardy aitý jáne olardy sheshý joldaryn izdestirý úshin dál osy Úilestirý keńesi tiimdi alań bolyp qala berýi tiis. Osy máselelerdiń barlyǵyn aldaǵy H Azamattyq forýmda kóterý mańyzdy, oǵan kóptegen memlekettik organdardyń birinshi basshylary men ÚEU kóshbasshylary qatysatyn bolady», - dedi ol.
Sondai-aq, negizgi spikerler retinde «Shyraq» múgedektigi bar áielder qaýymdastyǵynyń basshysy L.Qaltaeva, Pavlodar oblysy Azamattyq Aliansynyń tóraǵasy S. Mogiliýk, sondai-aq memlekettik organdardyń ókilderi sóz sóiledi.
Qoǵam qairatkeri Aigúl Soloveva atqarylyp jatqan jumys týraly óz pikirin bildirdi:
«Meniń baiqaǵanym, buryn halyqaralyq uiymdar qazaqstandyq ÚEU-men tikelei jumys isteýdi jón kóretin. Qazir Aqparat jáne qoǵamdyq damý ministrliginiń ózi olarmen mańyzdy qoǵamdyq máseleler boiynsha yntymaqtastyqqa ashyq ekenin atap ótý qajet. Bul úkimettik emes uiymdarmen ózara is-qimyl salasynda júrgizilip jatqan jumysqa degen senimdi arttyra túsedi».
Kezdesý qorytyndysy boiynsha keńes qatysýshylary oblystardyń, Nur-Sultan, Almaty jáne Shymkent qalalary ákimderiniń orynbasarlaryna óńirlik máselelerdi sheshýde ÚEU ókildigin keńeitý jóninde tiisti usynymdar berdi.
Óz kezeginde, memlekettik organdar úkimettik emes sektor tarapynan eskertýler men problemalyq máselelerdi nazarǵa aldy.
Aita keteiik, sońǵy 4 jylda Úilestirý keńesi 136 usynym ázirlep, onyń 102-si oryndaldy; al 34 usynym uzaq merzimdi bolyp tabylady.
Úilestirý keńesiniń usynymdary memleket pen úshinshi sektordyń áriptestigin damytýǵa jáne onyń jańa formatqa kóshýine aitarlyqtai serpin berdi.
