Elimizde onlain tólemderdiń úlesi 83 paiyzdan asty. Bul týraly Úkimettiń keńeitilgen otyrysynda Ulttyq bank tóraǵasy Ǵalymjan Pirmatov aitty, dep habarlaidy QazAqparat.
«Tólem júiesi qarqyndy damyp keledi. Biylǵy 5 aida halyqtyń qolma-qol aqshasyz operatsiialary ótken jyldyń uqsas kezeńimen salystyrǵanda 35,6 trln teńgege deiin 51 paiyzǵa ósti. Onlain tólemderdiń úlesi 83 paiyzdan asty», - dedi Pirmatov.
Tóraǵanyń atap ótýinshe, Ulttyq tólem júiesiniń quramdas bólikteri engizildi. Onyń aiasynda lezdik tólemder júiesin jáne tólem kartochkalarynyń bankaralyq júiesin qurý jumysy júrgizildi. Lezdik tólemder júiesi boiynsha 9 bank júiege qatysý týraly shart jasasty. Onyń 4-eýi óz klientteri úshin lezdik tólemder júiesi servisterine kirý ruqsatyn ashty. Qalǵan bankter biylǵy qazanǵa deiin birtindep qosylady.
«Qazirgi ýaqytta kartochkalyq tólemderdi qabyldaý boiynsha qyzmet kórsetetin barlyq bankter Tólem kartochkalarynyń bankaralyq júiesine qosyldy jáne olardyń trafigin Tólem kartochkalarynyń bankaralyq júiesine aýdarý qamtamasyz etildi. Aldaǵy ýaqytta osy servisterdi aýqymdy etý, qarjylyq qyzmetterdiń ashyqtyǵy men qoljetimdiligin qamtamasyz etý úshin Open API jáne Open Banking damytý tujyrymdamasyn ázirleý, qarjy uiymdarynyń onlain qyzmetteriniń qaýipsizdigi úshin biometriialyq sáikestendirý boiynsha servisti keńeitýdi josparlaýdamyz», - dedi ol.
