Foto: egemen.kz
Ulttyq bank tóraǵasy Timýr Súleimenov halyqtyń ál-aýqaty qandai jaǵdaida ósetinin aitty, dep habarlaidy Sputnik Qazaqstan.
Bank basshysynyń aitýynsha, jyldyq infliatsiia, iaǵni taýar men qyzmet baǵasynyń ósý qarqyny aqpandaǵy 21,3 paiyzdan qazan aiynda 10,8 paiyzǵa deiin tómendedi.
“Jyldyq infliatsiia tómendeidi jáne aldaǵy ailarda bir tańbaly mánge ótedi dep kútemiz. Aldaǵy ýaqytta joǵary bazanyń shyǵýyn eskersek, infliatsiianyń tómendeý qarqyny báseńdeidi, biraq saqtalady”, - dedi Súleimenov senattyń jalpy otyrysynda.
Qazirgi kezde Ulttyq bank Úkimetpen birlesip, infliatsiia deńgeiin baqylaý jáne tómendetý boiynsha 2023-2024 jyldarǵa arnalǵan sharalardy atqaryp jatyr. Osy oraida infliatsiiany ári qarai turaqtandyrý úshin dezinfliatsiialyq saiasat jalǵasa beredi. Ulttyq bank infliatsiia dinamikasyn jáne memleket damýynyń ózge de makroekonomikalyq parametrlerin qadaǵalap, aqsha-kredit saiasaty boiynsha jan-jaqty saralanǵan ári teńgerimdi sheshimder qabyldaidy.
“Osyndai ortaq jumysymyz, infliatsiianyń orta merzimdi 5 protsenttik deńgeiine qol jetkizýge jáne qazaqstandyqtardyń ál-aýqatynyń ósýine qolaily makroekonomikalyq jaǵdai jasaýǵa yqpal etedi dep senemiz”, - deidi Ulttyq bank basshysy.
Qazirgi jospar boiynsha 2026 jylǵa qarai infliatsiianyń deńgeii 5 protsentke deiin tómendeidi.
