Ulttyq statistika biýrosy usynǵan málimet boiynsha Qazaqstan halqynyń sany halyqtyń tabiǵi ósimine, sondai-aq respýblika aýmaǵyna keletin kóshi-qon aǵynyna tikelei táýeldi.
Sanaq qorytyndysy boiynsha qala turǵyndarynyń úlesi ósýdi jalǵastyryp, 61,2%-ǵa deiin artqan, aldyńǵy sanaqtyń kórsetkishimen salystyrǵanda ósim 5%-dy qurady. Sáikesinshe, aýyl turǵyndarynyń úlesi 43,9%-dan 38,8%-ǵa deiin tómendedi, dep habarlaidy Sputnik Qazaqstan.
Qala turǵyndarynyń eń kóp sany Qaraǵandy oblysynda turady – 80% nemese 1 millionnan astam adam. Kerisinshe, Túrkistan oblysynda qala turǵyndary eń az sany tirkeldi. Munda nebári 498 myń adam nemese turǵyndardyń 24,3%-y qalalyq jerde turady.
"Ýrbanizatsiia – bul ekonomikany indýstriialandyrý jáne jumys kúshiniń neǵurlym óndiristik aimaqtarǵa yǵysýymen bailanysty jahandyq tendentsiia. Ádette, azamattar bilim alý, mamandyǵy boiynsha jumys isteý jáne ál-aýqatyn jaqsartý úshin aýyldan qalaǵa qonys aýdarady", – deidi Ulttyq statistika biýrosynyń basshysy Jandos Shaimardanov.
Onyń aitýynsha, sanaqaralyq kezeńde qala turǵyndarynyń eń kóp ósimi elimizdiń alty óńirinde: Aqmola, Aqtóbe, Batys Qazaqstan, Shyǵys Qazaqstan, Soltústik Qazaqstan jáne Qyzylorda oblystarynda tirkeldi.
Vedomstvonyń málimetinshe, elorda turǵyndarynyń sany eki esege artqan. Aldyńǵy sanaqtyń qorytyndysy boiynsha Nur-Sultanda 619 myń adam tursa, 2021 jylǵy halyq sanaǵy kezinde elimizdiń bas qalasyndaǵy halyq sany 1,23 million adamdy qurady.
Qazaqstandaǵy áielder sany burynǵydai erler sanynan basym. Sanaq qorytyndysy boiynsha názik jandar jarty millionǵa kóp – 536,3 myń adam. Protsenttik sipatta aitar bolsaq, erlerdiń úlesi – 48,6% (9 324 840 adam), áielderdiki – 51,4% (9 861 175 adam). Osylaisha Qazaqstanda 100 áielge 99 er adamnan keledi.
Aita keteri, halyq sanaǵy 10 jylda bir ret ótkizilip, belgili bir merzimdegi halyqtyń túrli áleýmettik-ekonomikalyq kórsetkishterin beineleidi.
