ۇلتتىق ستاتيستيكا بيۋروسى ۇسىنعان مەلٸمەت بويىنشا قازاقستان حالقىنىڭ سانى حالىقتىڭ تابيعي ٶسٸمٸنە, سونداي-اق رەسپۋبليكا اۋماعىنا كەلەتٸن كٶشٸ-قون اعىنىنا تٸكەلەي تەۋەلدٸ.
ساناق قورىتىندىسى بويىنشا قالا تۇرعىندارىنىڭ ٷلەسٸ ٶسۋدٸ جالعاستىرىپ, 61,2%-عا دەيٸن ارتقان, الدىڭعى ساناقتىڭ كٶرسەتكٸشٸمەن سالىستىرعاندا ٶسٸم 5%-دى قۇرادى. سەيكەسٸنشە, اۋىل تۇرعىندارىنىڭ ٷلەسٸ 43,9%-دان 38,8%-عا دەيٸن تٶمەندەدٸ, دەپ حابارلايدى Sputnik قازاقستان.
قالا تۇرعىندارىنىڭ ەڭ كٶپ سانى قاراعاندى وبلىسىندا تۇرادى – 80% نەمەسە 1 ميلليوننان استام ادام. كەرٸسٸنشە, تٷركٸستان وبلىسىندا قالا تۇرعىندارى ەڭ از سانى تٸركەلدٸ. مۇندا نەبەرٸ 498 مىڭ ادام نەمەسە تۇرعىنداردىڭ 24,3%-ى قالالىق جەردە تۇرادى.
"ۋربانيزاتسييا – بۇل ەكونوميكانى يندۋسترييالاندىرۋ جەنە جۇمىس كٷشٸنٸڭ نەعۇرلىم ٶندٸرٸستٸك ايماقتارعا ىعىسۋىمەن بايلانىستى جاھاندىق تەندەنتسييا. ەدەتتە, ازاماتتار بٸلٸم الۋ, ماماندىعى بويىنشا جۇمىس ٸستەۋ جەنە ەل-اۋقاتىن جاقسارتۋ ٷشٸن اۋىلدان قالاعا قونىس اۋدارادى", – دەيدٸ ۇلتتىق ستاتيستيكا بيۋروسىنىڭ باسشىسى جاندوس شايماردانوۆ.
ونىڭ ايتۋىنشا, ساناقارالىق كەزەڭدە قالا تۇرعىندارىنىڭ ەڭ كٶپ ٶسٸمٸ ەلٸمٸزدٸڭ التى ٶڭٸرٸندە: اقمولا, اقتٶبە, باتىس قازاقستان, شىعىس قازاقستان, سولتٷستٸك قازاقستان جەنە قىزىلوردا وبلىستارىندا تٸركەلدٸ.
ۆەدومستۆونىڭ مەلٸمەتٸنشە, ەلوردا تۇرعىندارىنىڭ سانى ەكٸ ەسەگە ارتقان. الدىڭعى ساناقتىڭ قورىتىندىسى بويىنشا نۇر-سۇلتاندا 619 مىڭ ادام تۇرسا, 2021 جىلعى حالىق ساناعى كەزٸندە ەلٸمٸزدٸڭ باس قالاسىنداعى حالىق سانى 1,23 ميلليون ادامدى قۇرادى.
قازاقستانداعى ەيەلدەر سانى بۇرىنعىداي ەرلەر سانىنان باسىم. ساناق قورىتىندىسى بويىنشا نەزٸك جاندار جارتى ميلليونعا كٶپ – 536,3 مىڭ ادام. پروتسەنتتٸك سيپاتتا ايتار بولساق, ەرلەردٸڭ ٷلەسٸ – 48,6% (9 324 840 ادام), ەيەلدەردٸكٸ – 51,4% (9 861 175 ادام). وسىلايشا قازاقستاندا 100 ەيەلگە 99 ەر ادامنان كەلەدٸ.
ايتا كەتەرٸ, حالىق ساناعى 10 جىلدا بٸر رەت ٶتكٸزٸلٸپ, بەلگٸلٸ بٸر مەرزٸمدەگٸ حالىقتىڭ تٷرلٸ ەلەۋمەتتٸك-ەكونوميكالىق كٶرسەتكٸشتەرٸن بەينەلەيدٸ.
