QR Eńbek jáne halyqty jumyspen qamtý vitse-ministri Nariman Muqyshev halyqty jumyspen qamtý boiynsha kósh basyndaǵy jáne kósh sońyndaǵy óńirlerdi atady, dep habarlaidy "Ult aqparat".
«Búgingi tańda bizde respýblika boiynsha qysqa merzimdi kásiptik oqýdy bitirgen 31 myń adamnyń 18 myńy jumysqa ornalasty. Bul rette eń joǵary kórsetkishke ie óńirler - Aqmola, Qostanai oblystary. Ol jaqta qysqa merzimdi kásiptik oqý bitirgenderdiń 85 paiyzy jumys tapqan. Sonymen birge, Almaty oblysynda osyndai oqýdan ótkenderdiń 74 paiyzy, al Soltústik Qazaqstan oblysynda 71 paiyzy jumysqa ornalastyrylǵan», - deidi Nariman Muqyshev.
Aita ketsek, buǵan deiin Eńbek jáne halyqty áleýmettik qorǵaý ministri Mádina Ábilqasymova bul baǵytta Mańǵystaý oblysy (25 paiyz), Jambyl oblysy (39 paiyz), Almaty qalasy (27 paiyz) men Astana qalasynyń (41 paiyz) kórsetkishteri tómen ekenin habarlaǵan bolatyn.
Eske sala ketsek, búgingi Úkimet otyrysynda ministr nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan memlekettik baǵdarlamasy qalai júzege asyrylyp jatqanyn baiandaǵan edi.
Onyń aitýynsha, «Eńbek» memlekettik baǵdarlamasy eńbek naryǵynda suranysqa ie mamandyqtar men daǵdylar boiynsha jappai oqytýdy kózdeidi. Ministr atap ótkendei, tegin tehnikalyq jáne kásiptik oqytý sheńberinde osy jylǵy 1 qyrkúiekten bastap 20 myń adam oqýǵa kirisken. Bul jyldyq jospardyń 99 paiyzyn quraidy.
