QR Ulttyq ekonomika ministri Áset Erǵalievtiń aitýyna qaraǵanda, turǵyn úidi paidalanýǵa berý kórsetkishi boiynsha Atyraý, ShQO, Qaraǵandy oblystary kósh bastap tur. Vedomstvo basshysy Úkimet otyrysynda osyndai derek keltirdi, dep habarlaidy QazAqparat.
«Turǵyn úidi paidalanýǵa berý boiynsha da oń dinamika baiqalyp otyr. Biylǵy qańtar-tamyzda 8,9 mln sharshy metr baspana paidalanýǵa berildi. Kórsetkishtiń ósimi 10,5%-dy qurady. Esepti kezeńde barlyq óńirler oń ósim kórsetti. Eń joǵarǵy ósim Atyraý, Shyǵys Qazaqstan jáne Qaraǵandy oblystarynda baiqalady», - dedi ministr.
Al aýyl sharýashylyǵynda respýblika boiynsha ortasha ósim 2% bolǵan.
14 óńirde oń dinamika tirkelse, sonyń ishinde eń joǵarǵy ósim - Aqmola, Pavlodar jáne Qaraǵandy oblystaryna tiesili.
«7 ekonomikalyq kórsetkish boiynsha óńirler arasynda jalpy jaǵdai mynadai. Barlyq kórsetkish boiynsha oń ósim 5 óńirde – Shymkent qalasynda, sondai-aq Almaty, Jambyl, Qostanai, Mańǵystaý oblystarynda baiqalady. Al, 6 kórsetkish boiynsha 8 óńirde ósim bar. 3 óńirde 5 kórsetkish boiynsha ósim tirkeldi. Batys Qazaqstan oblysynda tek 3 kórsetkish boiynsha ósý baiqaldy», - dedi Áset Erǵaliev.
