Halyqqa qyzmet kórsetý ortalyqtaryn ashý týraly sheshimdi memlekettik komissiianyń jedel shtaby qabyldaidy. Bul týraly tsifrlyq damý, innovatsiia jáne aeroǵarysh ónerkásibi ministri Asqar Jumaǵaliev málimdedi.
Tengrinews.kz-ke bergen suhbatynda ministrge ortalyqtar qashan ashylady degen saýal qoiyldy. Óitkeni qazaqstandyqtardyń birazy úshin qyzmetti onlain túrde alý yńǵaisyz bolyp otyr.
"Qazirgi jaǵdaida bul maǵan qoiylatyn saýal emes. Memlekettik komissiianyń jedel shtaby bar, sol shtab sheshedi. Qaýipsiz bolyp, ruqsat bergen kezde jumysqa kirisemiz", - dedi Asqar Jumaǵaliev.
Vedomstvo basshysy ministrlik qyzmetkerleri memlekettik qyzmetti alýdyń avtomattandyrylǵan tásilinsaqtaýǵa barynsha tyrysatynyn aitty. Bul "TsON"-darǵa baratyn adamdardyń sanyn meilinshe azaitýǵa baǵyttalǵan.
Eske sala ketsek, astanada 21 naýryz - 16 sáýir aralyǵynda halyqqa qyzmet kórsetý ortalyqtarynyń jumysy toqtatyldy. Barlyq qyzmetti onlain alý múmkindigin qamtamasyz etý tapsyryldy.
