QR Parlamenti Májilisiniń tóraǵasy Nurlan Nyǵmatýlinniń Memleket basshysy Qasym-Jomart Toqaevtyń halyqqa Joldaýyna qatysty pikir bildirdi, dep habarlaidy "Ult aqparat".
«Memleket basshysy Qasym-Jomart Toqaev óz Joldaýynda Elbasymyz Nursultan Ábishuly Nazarbaevtyń saiasatyn jalǵastyra otyryp, Qazaqstanymyzdy odan ári damytýdyń negizgi maqsattaryn belgilep berdi. Olardyń barlyǵyn zań jaǵynan qoldaý úshin depýtattyq korpýstyń aldynda da jaýapty mindetter tur. Sol úshin sessiia barysynda, biz, óz ýaqytynda, halyqqa qajetti, sapaly zańdar qabyldaityn bolamyz», - dedi N. Nyǵmatýlin Májilistiń jalpy otyrysynda.
Májilis spikeri osy jaýapty mindetti abyroimen atqarý úshin belsene iske kirisý qajettigin eske saldy.
«Ásirese, ekonomikany jańǵyrtýǵa áleýmettik ahýaldy kúsheitýge, biýdjet jáne salyq júiesin jetildirýge, azamattardyń quqyqtary men bostandyqtaryn qorǵaýǵa, shaǵyn jáne orta biznesti qoldaýǵa, ekologiialyq máselelerge basqa da suraqtarǵa erekshe kóńil bólinedi», - dedi N. Nyǵmatýlin.
